९ भदौ, काठमाडौँ । आईएमई ग्रुप अन्तर्गत सञ्चालित आइएमई मोटर्स द्वारा प्रवद्र्धित अशोक लेलैण्ड र मितेरी डेभलमेन्ट बैंकबीच सम्झतौतापत्रमा हस्ताक्षर भएको छ ।
आइतबार भएको कार्यक्रममा बैंकका तर्फबाट प्रमुखकार्यकारी अधिकृत तुलसी प्रसाद वोस्ती र आईएमई मोटर्सको तर्फबाट भाइस प्रेसिडेन्ट इमरान इ खानले हस्ताक्षर गरे ।
उक्त सम्झौता अनुसार आईएमई मोटर्सबाट सिफारिस पाएका ७० प्रतिशत सम्मको कर्जा सुविधा मितेरी डेभलपमेन्ट बैंकबाट पाउने भएका छन् । यसैअनुरुप ग्राहकहरुले अशोक लेलैण्डको विभिन्न प्रकारका सवारी साधनहरुमा कर्जा सुविधा प्राप्त गर्न निकै सजिलो हुने दुवै कम्पनीका प्रमुखहरुले बताएका छन् ।
सम्झौतामा कर्जा सुविधा मात्र नभई दुवै कम्पनीबीच संयुक्त रूपमा सहकार्य गर्दै अगाडि बढ्ने कुरामा पनि सहमति भएको विज्ञप्तीमा जनाइएको छ ।
रेमिटेन्स व्यवसायबाट आइएमई ग्रुप सन् २००१ म स्थापना भएको हो । यसले रेमिटेन्स, बैंकिङ्गइन्स्योरेन्स, अटोमोबाइल्स, इनर्जी, ट्राभल–टुर्स, पर्यटन, सूचनाप्रविधि, उर्जा लगायतको विभिन्न क्षेत्रमा लगानी विस्तार गर्दै आएको पनि बताइएको छ ।
वि.सं.२०७६ भदौ ९ सोमवार १०:०३ मा प्रकाशित
