१० भदौ, काठमाण्डौं । पत्रकार शालिकराम पुडासैनी आत्महत्या प्रकरणमा पक्राउ परेका संचारकर्मी रवि लामिछाने, तथा युवराज कँडेल धरौटीमा र रुकु कार्की साधारण तारेखमा सोमबार छुटेका छन् ।
उनीहरुलाई चितवन जिल्ला अदालतले ५ लाख र ३ लाख धरौटी लिएर विभिन्न शर्तसहित रिहा गरेको छ ।
तर, उनीहरुलाई आत्महत्या दुरुत्साहनकोआरोपमा १० दिन हिरासतमा राखेर अनुसन्धान गरेको चितवन प्रहरीमाथि न्यायाधिश हेमन्त रावलले तीन प्रश्न उठाएको नयाँपत्रिका दैनिकमा समाचार छ ।
यी हुन् न्यायाधिशका तीन प्रश्न
१ -आत्महत्या गर्नुअघि शालिकराम पुडासैनीले रेर्कड गराएको भिडियोको अन्त्यमा आमाबुवा, आफन्तलाई प्रणाम गर्दै दुई हात जोडेको देखियो । दुवै हात जोडेर सेल्फी कसरी सम्भव छ ? उनी एक्लै थिए भन्ने कसरी पुष्टि हुन्छ ?
२- मृतकले आत्महत्या गर्छु भनेर घोषणा गर्नु र आत्महत्या गर्नुमा समयको अन्तर कति हो ? उनले कपडा समेत फेरेको देख्दा समयको अन्तर धेरै देखिन्छ । आत्महत्या आवेगमा गर्ने हो, त्यति लामो समयसम्म उनको मन बदिलिएन कसरी मान्ने ?
३- मृतकले खिचेको भिडियो अदालतमा आउनुभन्दा अघि मिडियामा कसरी पुग्यो ?
वि.सं.२०७६ भदौ १० मंगलवार १०:०४ मा प्रकाशित
