हामी सबैकाे संसारन्यूज

१० भाद्र, काठमाडौँ । मध्यपश्चिमाञ्चल विश्वविद्यालयले कानून संकाय अन्तर्गत सञ्चालित “स्कुल अफ ल” का लागि ईच्छुक तथा योग्यता पुगेका दुई शिक्षक (उप–प्राध्यापक) को माग गरेको छ ।

सुर्खेत, तातापानी अवस्थित उक्त विश्वविद्यालयले उप–प्राध्यापक (करार) को लागि कानून विषयमा कम्तिमा द्धितीय श्रेणी वा सो सरह अंक प्राप्त गरि स्नातकोत्तर (एल एल एम) उपाधि हासिल गरेको साथै २१ पूरा भई ४५ वर्ष ननाघेको २ जना शिक्षकको आवश्यकता रहेको जनाइएको छ ।

सो संस्थाका अनुसार इच्छुक वा योग्य व्यक्तिले आफ्नो नागरिकता, शैक्षिक योग्यताको प्रमाणपत्रहरू तथा बिज्ञापन प्रकाशित हुनु भन्दा अगाडी प्रकाशित भैसकेका कृतिहरूको प्रतिलिपि र हालसालै तयार गरिएको व्यक्तिगत विवरण साथै पासपोर्ट साईजको फोटो एक\एक प्रति सहित सूचना प्रकाशित मितिले १५ दिन भित्र कार्यालयमा पेश गरिसक्नु पर्ने सूचना दिइएको छ ।

विस्तृत जानकारीका लागि फोनः नं. ०८३–५२१३३९५, ९८५८०७९५०० मा सम्पर्क गर्न सकिने जनाइएको छ ।