१० भदौ,काठमाडौं । सर्लाही, गुल्मी, धनुषा र रुकुम(पश्चिम)मा भएका छुट्टाछुट्टै सवारी दुर्घटनामा परी ४ जनाको मृत्यु भएको छ ।
सर्लाही, हरिपुर नगरपालिका –७ शिश्वा पुलस्थित सडकमा बा.३५ प ५६७३ नम्बरको मोटरसाइकल अनियन्त्रित भईदुद्र्धटना हुँदा गम्भिर घाइते भएका चालक हरिपुर नगरपालिकाका ६ का मुकेश चौधरीको मृत्यु भएको हो ।
सोमबार बिहान दुर्घटना हुँदा गम्भीर घाइते भएका चालक मुकेश चौधरीको उपचारको लागि वीरगंजतर्फ लैजाने क्रममा बाटोमै मृत्यु भएको हो ।
त्यस्तै गुल्मी दरबार गाउँपालिका- ६ ढुंगेरीस्थित सडकमा लु.२७ प ७३९० नम्बरको मोटरसाइकल अनियन्त्रित भई सोमबार बिहान दुर्घटना हुँदा गम्भीर घाइते भएका मोटरसाइकलमा सवार सोही ठाउँ का द्रोण नाथ कडेलको प्राथमिक स्वास्थ्य केन्द्र श्रृंगामा उपचारको क्रममा मृत्यु भएको छ । मोटरसाइकल र चालकलाई प्रहरीले नियन्त्रणमा लिएको छ ।
यसैगरी धनुषा, गणेशमान चारनाथ नगरपालिका-१ स्थित सडकमा हाल नम्बर नखुलेको ट्याम्पोको ठक्करबाट पैदलयात्री सोही ठाउँ का मिल्तीलाल यादवको सोमबार दिउँसो मृत्यु भएको छ । ट्याम्पोको ठक्करबाट गम्भीर घाइते भएका उनको जनकपुर अंचल अस्पतालमा उपचारको क्रममा मृत्यु भएको हो । ठक्कर दिने ट्याम्पो र चालकको प्रहरीले खोजी गरिरहेको छ ।
यसैगरी रुकुम(पश्चिम), त्रिवेणी गाउँपालिका- २ स्थित खरी गैरा सामुदायिक बनमा बाटो खन्ने क्रममा जेसिबी भिरबाट अन्दाजी ९ सय मिटर तल खसेर सोमबार साँझ दुर्घटना हुँदा गम्भीर घाइते भएका जेसिबीका सहचालक दाङ गढवा गाउँपालिका ७का उत्तम कुमार चौधरीको उपचारको लागि लैजाने क्रममा बाटोमै मृत्यु भएको छ । हाल फरार चालकको प्रहरीले खोजी गरिरहेको छ ।
दुर्घटनाका सम्बन्धमा स्थानीय प्रहरीले थप अनुसन्धान गरिरहेको बताइएको छ ।
वि.सं.२०७६ भदौ १० मंगलवार १२:४१ मा प्रकाशित
