११ भदौ, काठमाण्डौं । सुर्खेतको भेरी गंगा नगरपालिकामा भएको बस दुर्घटनामा तीनको मृत्यु भएको छ ।
जाजरकोटबाट ३० यात्रु बोकेर नेपलगन्ज जाँदै गरेको ना ४ ख ९३१७ नम्बरको बस भेरीगंगा नगरपालिका ५ एमाले मोडमा दुर्घटना हुँदा १ जनाको घटनास्थलमै मृत्यु भएको र दुईजनाको नेपालगन्ज मेडिकल कलेजमा उपचारका क्रममा मृत्यु भएको जिल्ला प्रहरी कर्यालय सुर्खेतका डिएसपी रवि रावलले संसारन्युजलाई जानकारी दिएका छन् ।
डिएसपी रावलका अनुसार बुधबार राति ३ :५० मा भएको उक्त दुर्घटनामा घाईते भएकाहरुलाई नेपालगन्ज मेडिकल कजेल, भेरीगंगा क्लिनक, सुर्खेत र बाँकेको कोहलपुरमा उपचार गरिएको छ भने सामान्य घाईते भएका उपचारपछि घर फर्र्किएका छन् । दुर्घटनामा घाईते भएका २७ मध्ये ४ जना गम्भीर घाईते भएका छन् ।
सडकबाट ३० मिटरजति तल खसेको उक्त बस ब्रेकफेल भएर दुर्घटना भएको भनिएपनि अनुसन्धानकै क्रममा रहेको र उद्धार कार्य सकिएको पनि डिएसपी रावलले बताएका छन् । मृतकहरुको सनाखत हुन सकेको छैन । विस्तृत विवरण आउन बाँकी ।
वि.सं.२०७६ भदौ ११ बुधवार ०९:२७ मा प्रकाशित
