१२ भदौ, जापान । जापानमा कार्यरत एक नेपाली युवाको उपचारका क्रममा मृत्यु भएको छ ।
अध्ययनका लागि जापान पुगेका बर्दिया मुगरागडीका २९ वर्षीय रामहरि घिमीरेको उपचारका क्रममा भदौ १० (अगस्त २७) मा कानगावा केनमा मृत्यु भएको हो ।
जापानको कानागावा केनमा बसेर अध्ययन गरिरहेका घिमीरे एक्कासी पेट दुखेर चुरिन्काई अस्पताल भर्ना भएका थिए । उनको उपचारकै क्रममा मंगलबार राति १ बजे मृत्यु भएको बाँके बर्दिया मैत्री समाजका सुशील मल्लले जनाएका छन् ।
उनको शव नेपाल पठाउनका लागि ८ लाख जति रकम आवस्यक रहेकोले जापानबासी नेपाली दाजुभाइ दिदीबहिनीलाई सहयोग गरिदिनुहुन पनि मल्लले समाजका तर्फबाट अनुरोध गरेका छन् । उनको मृत्युको कारण पत्ता नलागिसकेको तथा प्रहरी रिर्पोट बुझ्ने कार्य भइरहेको पनि मल्लले जनाएका छन् ।
वि.सं.२०७६ भदौ १२ बिहीवार १३:५४ मा प्रकाशित
