हामी सबैकाे संसारन्यूज

आजैको दिन, जवान छोराले
आफ्नो ६५ बर्षे बुवालाई
पशुपतिको बृद्दाश्रममा छोडेर
श्रीमतीको ड्याडी अर्थात्
ससुरा ड्याडीको मुख हेर्न
कालो छाप व्हिस्की बोकी गएछ
पुग्ने बित्तिकै सर्बप्रथम
फेसबुक खोली
स्टाटस अपडेट गरेछ
‘मिस यु’ बुवा भनि
बुवाको १० वर्ष पुरानो
दशैको फोटो अपलोड गरि,
‘ह्याप्पी फादर्स डे’ पोस्ट गरेछ !

उता, बृद्दाश्रममा
आजै बिहान छोराले
छोडेर गएका बुवा, गुनासो गर्दै थिए
कस्ता छोरा जन्मिए
आफ्नो बाउलाई, घरबाट निकाले
‘थुक्क’ सन्तति
उनको गुनासो सुनेर
करिब ९० बर्षका बृद्द
कुप्रिदै एउटा कुनाबाट निस्के
आँखा देख्न छोडेकाले
छामछाम छुमछुम गर्दै
उनको अगाडी आए
काँधमा हात राखी
गाला सुम्सुम्याउदै
ढाडस दिन थाले
यस्तै हो छोरा
संसारको रिति–स्थिति
दुःख नमान, बदलिन्छ परिस्थिति

सुनेजस्तो स्वर
हातको तातो स्पर्श
छाँगाबाट खसे जस्तो
पश्चाताप भो सहर्ष
शीर झुकाई, खुट्टा ढोग्दै भन्यो
‘ह्याप्पी फादर्स डे’ बा
माफ गर्नुस, भेट्न आउन पाइन
ब्यस्त भएर, धेरै बर्ष
आज आए हजुरको मुख हेर्ने दिन सम्झेर
बृद्धले बल्ल चिने, ए, बाबु श्रवण कुमार
तिमीलाई कस्तो छ ?
भोक लाग्यो होला, आउभित्र
खाना खाउँसँगै
तिमि दुब्लाए जस्तो छ
आखिर बाउ–बाउ नै हो
छोरा–छोरीको माया
ठान्छन आफ्नै छाया !!!!