back

लघुकथा : पदको शक्ति

वि.सं.२०७६ भदौ १४ शनिवार

330 

shares
RBB AD
NTC AD
Rastriya Swastha Sikshya Suchana Tatha Sanchar Kendra

उमेरले जीवनका वैसालु वसन्तहरू पाखा लगाई सकेको वसन्तले लगभग दुई दर्जन जति पुस्तकहरू प्रकाशीत गराएको थियो । गीत, गजल, समीक्षा, समालोचना, कथा, कविता सबैमा राम्रै दखल भएको उसले साहित्य साधनामै जीवनका महत्वपूर्ण समय व्यतित गरेको थियो । तर उसलाई उसका घरपरिवार नातागोता वाहेकले चिनेजानेका थिएनन् । सभा सम्मेलनमा कसैले वास्ता गर्दैनथे । संचार माध्यममा त उसको पहुँच थिएन । सबैको कारण ऊ आफै थियो, स्थानीय सेरेफेरो बाहेक ऊ कसैकोमा चाकरी चाप्लुसी गर्न गएको थिएन, चर्चा र स्वः विज्ञापनमा उसले ध्यानै दिएन । पाठकहरूले उसका कृतिहरू पढेनन् कि पढेर पनि चिनेनन् ? वसन्त बेखबर थियो । समाजका गतिविधिलाई नजिकबाट नियाल्ने, मूल्याङ्कन विश्लेषण गर्ने र साहित्य सिर्जनामा वास्तविकता र सामाजिक परिवर्तनयोग्य शिक्षामूलक विषयलाई प्रस्तुत गर्ने गथ्र्यो ऊ । कतिपय पुस्तक त कर्जा लिएरै छपाएको थियो उसले, सिर्जना समाज उपयोगी छ भन्ठानेर । विभिन्न पुस्तकालय, विद्यालय, महाविद्यालयमा आफै पुगेर पुस्तकहरू दिनेसम्म चाहिँ गरेकै थियो, वसन्तले । तर पनि चर्चा विहिन मात्र होइन परिचय विहिन थियो ऊ ।

समय र कालखण्ड अलि परिवर्तन भयो । स्वार्थ पूरा नभएमा पार्टी फुटाउने र सरकार गिराउने सम्मका काम गर्ने हाम्रो देशमा अस्थिर सरकारको त पहिचानै बनेको छ । सत्ताको हिस्सा नपाएको निहुँमा वसन्तका जेठानले नेतृत्व गरेको पार्टी पनि विभाजन भयो । जेठान राष्ट्रिय अध्यक्ष बने, ‘परिवार दल नेपाल’ पार्टीको नाम रह्यो । वसन्तको जिल्ला सुनौलीपुरमा पार्टीको जिम्मा लिने कोही योग्य मान्छे नभएकाले जेठानको अनुरोधमा उनी राजधानी जस्तो जिल्लाको पार्टी अध्यक्ष बने । फेरि सरकार ढल्यो, सत्ता समिकरणको कुरा उठ्यो । परिवार दलका तीन जना मात्र सभासद भए पनि मन्त्रीपरिषद्मा दुई सीट हात प¥यो । जेठान दाईले दुवै हातमा लड्डु पार्ने दाउमा ज्वाईँलाई पनि मन्त्री पदको सिफारिस गरे ।

वसन्त शर्मा विना विभागीय मन्त्री बने । पत्रपत्रिकाले उनको बायोग्राफी खुबैसँग छापे, साहित्यिक कृति र योगदानको अत्याधिक चर्चा गरे । विद्युतीय संचार माध्यमले पनि उसको धेरै अन्तर्वार्ता प्रशारण गरे । उनका कृति र सिर्जना माथि समीक्षा समालोचना लेख्नेहरूको ताँती नै लाग्यो । वसन्त धेरै संघसंस्थाबाट सम्मानित र पुरस्कृत हुन थाल्यो । देशका विद्वान्, प्राज्ञ र समर्पित स्रष्टा ‘वसन्त शर्मा’ भनेर उसको चर्चा, परिचर्चा र अन्तरक्रिया समेत भए । आफन्त र नातेदारले मात्र चिनेका वसन्तलाई समाजले, राष्ट्रले, पाठकले, संचारमाध्यमले अनि अन्तर्राष्ट्रिय जगतले समेत चिन्न थाले ।

साहित्यकार वसन्त छट्पटिए । साहित्यिक योगदानलाई भन्दा बढी यो समाजले पदलाई चिन्दो र मान्दो रहेछ, अबको केही दिनमा फेरि पनि यो सरकार ढल्दै छ, सरकार फेरबदल हुन्छ, मेरो पद पनि जान्छ । त्यतिबेला मेरो चर्चा के हुने होला ? मेरो अस्तित्व के रहला ? जतिबेला म मन्त्री रहन्न । वसन्त सपनामै बरबराउन थाल्छ, साहित्यिक साधकको जीन्दगी भोगेर ।

[email protected]

Mobile no.-9851059950

Ghattekulo-29,Kathmandu

वि.सं.२०७६ भदौ १४ शनिवार १०:२० मा प्रकाशित

NLIC AD
NABIL bank AD
ADBL AD
साहित्यकार  अधिकारीको ‘जीवन दर्पण’ पुस्तकको समीक्षा कार्यक्रम सम्पन्न

साहित्यकार अधिकारीको ‘जीवन दर्पण’ पुस्तकको समीक्षा कार्यक्रम सम्पन्न

दाङ। राप्ती साहित्य परिषद् दाङ शाखाको नियमित कृति समीक्षा कार्यक्रम...

गजल

गजल

उत्तम विचार, नुवाकोट रैछ धागो यही वा सियो के भनूँ...

कविता : सान्त्वना

कविता : सान्त्वना

स्वर्ण शिखा, दाङ नरोऊ तिमी अश्रु–गङ्गा बगाई गरी याद भक्कानिँदै...

कविता : दुर्जन बाँदर

कविता : दुर्जन बाँदर

भूपाल अधिकारी, बिराटनगर मूर्ख छ स्वाँठ छ बन्दछ भेडो गर्दछ...

कविता : भानुको बन्दना

कविता : भानुको बन्दना

शम्भु गजुरेल, नुवाकोट धर्ती पावन व्यासको चरणको माटो झरेको स्थल...

लघुकथाः अन्तिम इच्छा

लघुकथाः अन्तिम इच्छा

मनीषकुमार शर्मा ‘समित’ मध्यपुर ठिमी, भक्तपुर छिमेकीको घरबाट तिउनको वास...