१८ भदौ, काठमाडौँ । सार्वजनिक बसबाट सडकमा फोहोर फालेमा पाँच हजारसम्म जरिवाना हुने भएको छ । बसमा असभ्य तथा अमर्यादित भाषा प्रयोग गरेमा पनि ५ हजारसम्म जरिवाना हुने भएको छ । नक्कली परीचयपत्र देखाएर सुविधा प्रयोग गर्ने खोजेमा पनि अब कारबाही हुने भएको छ ।
संसद्मा छलफलका क्रममा रहेको काठमाडौँ उपत्यका सार्वजनिक यातायात प्राधिकरण गठन गर्ने सम्बन्धमा व्यवस्था गर्न बनेको विधेयकमा यस्तो व्यवस्था गरिएको हो ।
सरकारले सार्वजनिक यातायातभित्र सहचालक, चालक तथा यात्रुसँग अमर्यादित भाषाको प्रयोग गरे १ देखि ५ हजारसम्म जरिवानाको व्यवस्था छ । सार्वजनिक बसमा यात्रुसँग अमर्यादित भाषा प्रयोग गरेमा पनि चालक तथा सहचालकलाई पनि ५ हजारसम्म जरिवाना हुने भएको छ ।
सार्वजनिक यातायातभित्र ज्येष्ठ नागरिक, अपांगता भएका तथा व्यक्ति, बालबालिका तथा यात्रुसँग अमर्यादित व्यवहार गरेमा १ देखि ५ हजारसम्म जरिवानाको व्यवस्था छ ।
नक्कली कार्ड देखाएमा पनि ५ हजारसम्म जरिवाना हुने भएको छ । विद्येयकको दफा १५ को (क) मा नपाउने सुविधा लिन प्रयत्न गरे कारबाही हुने व्यवस्था राखिएको हो । बुधबारको राजधानी दैनिकबाट
वि.सं.२०७६ भदौ १८ बुधवार ०८:३१ मा प्रकाशित
