हामी सबैकाे संसारन्यूज

१८ भदौ, काठमाण्डौं । बैदेशिक रोजगारीमा जाने नेपाली कामदारहरुले अनिवार्य रुपमा बैंक खाता खोल्नु पर्ने भएको छ ।

बैदेशिक रोजगार विभागले मंगलबार एक सूचना जारी गर्दै विदेश जाने कामदारले अनिवार्य रुपमा बैंक खाता खोल्नुपर्ने जनाएको छ । विभागका अनुसार बैंक खाता खोलेर सबै प्रक्रिया पुर्याएर श्रम स्वीकृतिका लागि सबै डकुमेन्ट पेश गर्नुपर्नेछ ।

‘बैदेशिक रोजगार नियमावलीमा भएको व्यवस्था बमोजिम बैदेशिक रोजगारीमा जाने कामदारले अनिवार्य रुपमा बैंक खाता खोल्नुपर्ने र निजले श्रम स्वीकृतिका लागि फारम भर्दा अनिवार्य रुपमा बैंक खाता नम्बर (प्रमाण सहित–पास बुक, चेक बुक, एटिएम, खातामा रकम जम्मा गरेको भौचर, स्टेटमेन्ट ब्यालेन्स सर्टिफिकेट पेस गर्नुपर्ने कानुनी व्यवस्था भएकोले नविकरण, बैद्यानिकीकरण, नयाँ र संस्थागत रुपमा वैदेशिक रोजगारमा जाने सबै कामदारले अनिवार्य रुपमा बैंक खाता खोलेपछि मात्र श्रम स्वीकृतिका लागि कार्यालयमा सम्पर्क गर्न सक्नुहुनेछ ।’ विभागद्धारा जारी सूचनामा भनिएको छ ।