Logo
८ आश्विन २०७९, शनिबार
     Sat Sep 24 2022
E-paper
  English Edition
   Unicode
Logo

साढे छ लाख चेक नागरिक मद्यपानबाट सिर्जित समस्याको उच्च जोखिममा



१० मङ्सिर,प्राग (चेक रिपब्लिक) । चेक गणतन्त्रका १५ वर्षभन्दा बढी उमेरका झण्डै छ लाख ४० हजार नागरिक मद्यपानबाट सिर्जित समस्याको उच्च जोखिममा रहेको एक अध्ययनले देखाएको छ ।

उनीहरुमध्ये पाँच लाख ४० हजार जनालाई मदिराले व्यापक असर गरिरहेको बुधबार सार्वजनिक भएको अध्ययन प्रतिवेदन जनाइएको छ ।

यहाँको राष्ट्रिय अनुगमन केन्द्रले गरेको अध्ययन अनुसार उनीहरुमध्ये अधिकांश मदिरा र लागु औषधको लतमा परिसकेका छन् ।

गत वर्ष लागुऔषध सेवनकर्ताहरुको सङ्ख्या ४६ हजार नौ रहेको प्रतिवेदनमा उल्लेख छ ।

झण्डै १९ प्रतिशत पुरुष र छ प्रतिशत महिला गरी चेक नागरिकले नियमितरुपमा दैनिक मदिरा पिउने गर्दछन् । यो सम्पूर्ण जनसङ्ख्याको १२.५ प्रतिशत हो ।

पुरुषहरुले दैनिक कम्तीमा तीन बोतल वियर पिउने गर्दछन् भने महिलाहरुले दुई बोतल पिउने गर्दछन् ।

सात प्रतिशत चेक नागरिकले जोखिमयुक्त मदिरा पिउने र छ प्रतिशतले आफैलाई हानी गर्ने गरी पिउने गरेको प्रतिवेदनमा उल्लेख छ ।

मदिराजन्य पदार्थ पिउने मात्र नभई झण्डै २५ प्रतिशत चेक नागरिकले दैनिक धुम्रपान गर्ने गर्दछन् । त्यसमध्ये पुरुष २८ प्रतिशत र महिला १९ प्रतिशत रहेका छन् ।

मदिराजन्य पदार्थ पिउने र धुम्रपान गर्ने चेक नागरिकहरुलाई कम गर्ने उद्देश्यले अध्ययन गरिएको अधिकारीहरुले जनाएका छन् । रासस÷सिन्ह्वा


यो खबर पढेर तपाईलाई कस्तो महसुस भयो ?

मोहन अधिकारी, सिलगढी, भारत पशु–पंक्षीहरुको साँस्कृतिक सम्मेलन थियो । सबैले निस्पक्ष निर्णयको लागि सोझो,

कपिल किशोर घिमिरे दाङ्ग, हाल कैलाली १. कलिको माया छलिको कुरा बचने छुरा ।

काठमाडौं । ग्लोबल आइएमई बैंकले २ वर्षमै २ गुणा हुने मुद्दती योजना ल्याएको छ