back

आत्मकेन्द्रीत व्यक्तिवाद परास्त गर्न प्रचण्डको जोड

वि.सं.२०७६ भदौ २३ सोमवार

354 

shares
RBB AD
NTC AD

२३ भदौ, काठमाण्डौं । नेपाल कम्युनिष्ट पार्टी (नेकपा) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ ले आत्मकेन्द्रीत व्यक्तिवादलाई परास्त गर्न नसकेसम्म शहिदहरुको सपना पूरा नहुने बताएका छन् ।

नेपाल कम्युनिष्ट पार्टी (नेकपा) को केन्द्रीय कार्यालय धुमबाराहीमा आयोजित २१ औं स्मृतिसभामा प्रमुख वक्ता समेत रहेका प्रचण्डले जनतालाई परिवर्तनको अनुभुति गराउन र शहिदहरुको सपना साकार पार्न विद्यमान कमजोरीहरु हटाउनैपर्नेमा जोड दिएका छन् । इतिहासलाई केलाएर र कमजोरी स्विकारेर समाजबादमैत्री चरीत्र बनाउन पूरै पार्टी पंक्ति परिचालित हुनुपर्नेमा उनले जोड दिए ।

तत्कालिन माओवादी जनयूद्धमा सबैभन्दा बढी उच्च तहबाट शहादत दिने सुरेश वाग्ले (वासु) मा भएको पारदर्शी चरित्र, निष्ठा र बैज्ञानिक विचारको स्मरण गर्दै प्रचण्डले प्राप्त उपलब्धिमाथिको प्रहारलाई डटेर प्रतिरोध गर्नुपर्ने बताएका छन् । जनताको सेवामा समर्पित भएर हृदयदेखि लागेमा प्रेतात्माहरुले पनि विथोल्न नसक्ने बताउँदै सिंहका अगाडि स्याल मिसिदैमा स्याल सिंह बन्न नसक्ने चेतावनी समेत उनले दिए । गोर्खा सिरानचौक तालिम देखि गणतन्त्रसम्म आउँदा शुरेस वाग्लेको स्मरण भइरहने बताउँदै प्रचण्डले शहिदहरुका सपना र गाथामा आधारीत समाजवादको नयाँ मोडेल बनाउने प्रतिवद्धता समेत व्यक्त गरे ।

कार्यक्रमका अर्का वक्ता नेकपाका वरिष्ठ नेता तथा पूर्वप्रधानमन्त्री झलनाथ खनालले प्रतिक्रियावादका विरुद्ध भिन्न मोर्चाबाट लडेपनि शुरेस वाग्ले र भीमसेन पोखरेल लगायतका शहिदहरुको योगदानका कारण बर्तमान उपलब्धि हासील भएको बताउँदै राजतन्त्र विरुद्धको पछिल्लो जनक्रान्तिको परिणाम जनतासमक्ष पुर्याउनुपर्नेमा जोड दिए ।


कार्यक्रमका अर्कावक्ता सो पार्टीका प्रवक्ता तथा सचिवालय सदस्य नारायणकाजी श्रेष्ठ ‘प्रकाश’ ले क्रान्ति निष्ठा, बैचारिक पकड्ता, समपर्ण, सरलता र स्वच्छता तथा जनघनिष्ठता लगायतका ५ मुलुभत विशेषताले शुरेस वाग्ले बनाएको टिप्पणी गर्दै प्राप्त उपलब्धिको दृढतापूर्वक कार्यान्वयनमा अघि बढनुपर्ने बताए ।

नेपाल कम्युनिष्ट पार्टीका महासचिव विष्णु पौडेल, स्थायी समिति सदस्यहरु अग्नि सापकोटा, देवेन्द्र पौडेल, लीलामणि पोखरेल, मणि थापा, माृतका यादव लगायतको उपस्थितिमा भएको सो कार्यक्रमका अध्यक्ष तथा केन्द्रीय कार्यालय सचिव श्रीराम ढकाल (प्रशान्त) ले वाग्लेसँगको राजनैतिक घटनाक्रमहरु बताएका थिए भने कार्यक्रम संचालक समेत रहेका उपत्यका विशेष व्युरो सचिव लेखनाथ न्यौपानेले वासुका मुख्य योगदानहरु प्रचण्ड समक्ष स्मरण गराएका थिए ।

वि.सं.२०७६ भदौ २३ सोमवार १२:३५ मा प्रकाशित

NLIC AD
NABIL bank AD
भारतसहितका ८ देशमा राजदूत सिफारिस, कुन देशका लागि कस्को नाम सिफारिस ?

भारतसहितका ८ देशमा राजदूत सिफारिस, कुन देशका लागि कस्को नाम सिफारिस ?

काठमाडौं । सरकारले भारतसहितका ८ देशका लागि राजदूत सिफारिस गरेको...

खनिजजन्य पदार्थ उत्खननबारे स्पष्ट कानुनी व्यवस्था गर्न समितिको निर्देशन

खनिजजन्य पदार्थ उत्खननबारे स्पष्ट कानुनी व्यवस्था गर्न समितिको निर्देशन

काठमाडौँ । प्रतिनिधिसभा अन्तर्गतको उद्योग तथा वाणिज्य र श्रम तथा...

एघार महिनामा १३ खर्ब १४ अर्बको व्यापार घाटा, भारतसँग मात्रै ८ खर्ब बढी घाटा

एघार महिनामा १३ खर्ब १४ अर्बको व्यापार घाटा, भारतसँग मात्रै ८ खर्ब बढी घाटा

काठमाडौँ । चालु आर्थिक वर्ष २०८०/८१ को ११ महिनाको अवधिमा...

कतारबाट कम्मरमा सुन लुकाएर ल्याउनेसहित तीनजना पक्राउ

कतारबाट कम्मरमा सुन लुकाएर ल्याउनेसहित तीनजना पक्राउ

काठमाडौँ । कतारबाट कम्मरमा सुन लुकाएर ल्याउनेसहित तीन जनालाई प्रहरीले...

‘निजामती विधेयक संसद्को चालु अधिवेशनबाटै पारित गर्ने तयारी’

‘निजामती विधेयक संसद्को चालु अधिवेशनबाटै पारित गर्ने तयारी’

काठमाडौँ । सङ्घीय मामिला तथा सामान्य प्रशासनमन्त्री भानुभक्त जोशीले सङ्घीय...

हुलाकी राजमार्ग : रतुवा पुल निर्माण तीव्र

हुलाकी राजमार्ग : रतुवा पुल निर्माण तीव्र

झापा । हुलाकी राजमार्ग अन्तरगतको झापा र मोरङलाई जोड्ने रतुवा...