
८ कात्तिक, काठमाण्डौं । गैरआवासीय नेपाली संघका पदाधिकारी र नेपाल उद्योग परिसंघका पदाधिकारी विच सहकार्य गर्दै अगाडि बढ्ने विषयमा छलफल भएको छ ।
नेपाल उद्योग वाणिज्य संघको कार्यालयमा बुधबार बसेको बैठकमा नवनिर्वाचित अध्यक्ष र उपाध्यक्षलाई उद्योग वाणिज्य संघले स्वागत समेत गरेको थियो ।
उक्त वैठकमा आपसी सहयोग र सहकार्य बढाउने वारे व्यापक छलफल भएको एनआरएनएले जनाएको छ ।
छलफलमा विशेषत नेपालमा लगानी प्रवर्धन, विदेशबाट ज्ञान सिप प्रविधि हस्तान्तरण र गैरआवासीय नेपालीहरुलाई नेपालको आर्थिक विकासमा सहभागी बनाउने बारे केन्द्रित थियो ।
वैठकमा नेपाल उद्योग परिसंघका तर्फबाट संयुक्त सहकार्यको विषयमा गैरआवासीय नेपाली संघसंग सहकार्य गर्ने इच्छा प्रकट गरियो । वैठकमा गैरआवासीय नेपाली संघका अध्यक्ष कुमार पन्तले नेपाल उद्योग परिसंघसंग मिलेर काम गर्न र परिणाम देखाउन आफु इच्छुक भएको बताएका थिए ।
वैठककै अवसर पारेर दुई संस्था वीच सहकार्य गर्ने सम्बन्धमा एक सहमति पत्रमा समेत हस्ताक्षर समेत गरिएको छ ।
उक्त सहमति पत्रमा गैरआवासीय नेपाली संघका तर्फबाट अध्यक्ष कुमार पन्त र नेपाल उद्योग परिसंघको तर्फबाट अध्यक्ष सतिश कुमार मोरले हस्ताक्षर गरेका थिए ।
कार्यक्रममा गैरआवासीय नेपाली संघको तर्फबाट उपाध्यक्ष डा. बद्री के. सी, प्रमुख कार्यकारी अधिकृत डा. हेमन्त दवाडी र नेपाल उद्योग परिसंघको तर्फबाट निवर्तमान अध्यक्ष, उपध्यक्षहरु, कार्य समिति सदस्यहरु, महानिर्देशक र निर्देशक समेतको सहभागिता रहेको बताइएको छ ।
वि.सं.२०७६ कात्तिक ८ शुक्रवार ११:११ मा प्रकाशित