Logo
८ आश्विन २०७९, शनिबार
     Sat Sep 24 2022
E-paper
  English Edition
   Unicode
Logo

क्याम्बोडियाका लुकेर रहेका प्रतिपक्षी नेतालाई नरेशद्वारा माफी



१८ मङ्सिर, नोम पेन्ह । क्याम्बोडियामा आफूलाई पक्राउ पर्न नदिन महिनौँसम्म पार्टीको मुख्यालयमा बिताउने प्रतिपक्षी नेतालाई त्यहाँको नरेशले शुक्रबार माफी दिनुभएको छ र यसबाट त्यहाँ देखिएको लामो राजनीतिक अवरोध अन्त्य हुने अनुमान गरिएको छ ।

क्याम्बोडियाको सबैभन्दा ठूलो प्रतिपक्षी समूहका कार्यवाहक प्रमुख केम सोखाले मे महिनाको अन्त्यदेखि क्याम्बोडिया नेसनल रेस्क्यु पार्टीको मुख्यालय छोड्न अस्वीकार गर्नुभएको छ । उहाँमाथि कारबाही गर्न खोजिएको छ र त्यसलाई उहाँले राजनीतिबाट अभिप्रेरित भएको बताउनुभएको छ ।

उहाँकी प्रेमिकामाथि अनुसन्धान गर्न उहाँलाई अदालतमा उपस्थित हुन आदेश दिँदा उहाँ नजानुभएपछि सेप्टेम्बर महिनामा उहाँमाथि पाँच महिनाको काराबासको सजाय तोकिएको छ ।

क्याम्बोडियामा शक्तिशाली प्रधानमन्त्री हुन सेनले तीन दशकभन्दा लामो समयसम्म शासन गर्नुभएको छ उहाँले प्रतिपक्षलाई कारागारमा राख्न र जानाजान कानुनी मुद्दा चलाउन अदालतलाई उपयोग गर्नुभएको आरोप आलोचक तथा अधिकारवादी समूहले लगाउने गरेका छन् ।

शुक्रबार नरेश नरोदोम सिहामोनीले उहाँलाई माफी दिनुभएको सूचना राजप्रासादले प्रकाशन गरेको छ ।

केम सोखाले आफूले गल्ती गरेको स्वीकार गरेपछि हुनसेनले उहाँलाई माफी दिन अनुरोध गरेको एक सरकारी प्रवक्ताले बताए ।

हुन सेनको सत्ताधारी क्याम्बोडियन पिपुल्स पार्टीका प्रवक्ता सोक इसानले सोखाले गल्ती गरेको स्वीकार गरेको बताउनुभयो । एएफपी


यो खबर पढेर तपाईलाई कस्तो महसुस भयो ?

मोहन अधिकारी, सिलगढी, भारत पशु–पंक्षीहरुको साँस्कृतिक सम्मेलन थियो । सबैले निस्पक्ष निर्णयको लागि सोझो,

कपिल किशोर घिमिरे दाङ्ग, हाल कैलाली १. कलिको माया छलिको कुरा बचने छुरा ।

काठमाडौं । ग्लोबल आइएमई बैंकले २ वर्षमै २ गुणा हुने मुद्दती योजना ल्याएको छ