हामी सबैकाे संसारन्यूज

२२ मसिंर, काठमाडौँ । प्रदेश नम्बर १ प्रदेश सरकारले बनाएको कानुनविरुद्ध १४ मुद्दा परेका छन् ।

०७५ ७६ मा प्रदेश सरकारले निर्माण गरेका प्रदेश कानुनविरुद्ध १४ वटा मुद्दा उच्च अदालतमा परेका हुन् । प्रदेश १ का मुख्य न्यायाधिवक्ता चूडामणि आर्चायले प्रदेश प्रमुख सोमनाथ अधिकारी ‘प्यासी’ समक्ष पेस गरेको ०७५ ७६ को वार्षिक प्रतिवेदनमा प्रदेश कानुनविरुद्ध मुद्दा परेको उल्लेख गरिएको छ ।

संविधानमा गरिएको व्यवस्थाअनुसार बुझाएको प्रतिवेदनमा संसदीय कानुनसँग सम्बन्धित काम बारबाहीमा प्रदेश सरकारविरुद्ध १३ र स्थानीय तहका कानुनसँग सम्बन्धित काम कारबाहीमा प्रदेश सरकारलाई समेत विपक्षी बनाई १ मुद्दा परेको उल्लेख गरिएको छ । आइतबारको अन्नपूर्ण पोस्टबाट