हामी सबैकाे संसारन्यूज

२ पुस, काठमाडौं । शिक्षक सेवा आयोगले प्राथमिक तहको करार शिक्षकको झापा, बाँके, जुम्ला , ललितपुर, अर्घाखाँची, रौतहट र सुनसरी जिल्लाको सूचि सार्वजनिक गरेको छ ।

आयोगले एक सूचना जारी गर्दै ७ जिल्लाको प्राथमिक तहको करार शिक्षकको थप सूचि प्रकाशन गरेको हो ।

झापा जिल्लामा जम्मा सिफारिस सङख्या ३०८ र करार सिफारिस सङख्या १५४ रहेको छ । भने बाँके जिल्लामा जम्मा सिफारिस सङख्या ८६ र करार सिफारिस सङख्या ४३ रहेको छ , जुम्ला जिल्लामा जम्मा सिफारिस सङख्या ३३ र करार सिफारिस सङख्या १७ रहेको छ ।

त्यस्तै ललितपुर जिल्लामा जम्मा सिफारिस सङख्या ९३ र करार सिफारिस सङख्या ४७ रहेको छ भने अर्घखाँची, जिल्लामा जम्मा सिफारिस सङख्या २१६ र करार सिफारिस सङख्या १०८ रहेको छ । त्यस्तै रौतहट जिल्लामा जम्मा सिफारिस सङख्या २६ र करार सिफारिस सङख्या १३ रहेको छ । भने सुनसरी जिल्लामा जम्मा सिफारिस सङख्या ६४ र करार सिफारिस सङख्या ३२ रहेको छ ।

आयोगले खुला प्रतियोगितात्मक परीक्षाद्वारा सामुदायिक विद्यालयमा रिक्त शिक्षक पदपूर्तिका लागि प्रकाशित विज्ञापन बमोजिम स्थायी नियुक्तिका लागि सिफारिस नभएका निम्न उम्मेद्वारहरुको नाम नामेसी विवरण शिक्षक सेवा आयोग नियमावली, २०५७ को नियम २४ बमोजिम करार शिक्षक पदमा नियुक्ति गर्ने प्रयोजनका लागि आयोगले प्रकाशन गरेको हो ।