हामी सबैकाे संसारन्यूज

४ पुष, काठमाडौं । चालु सिजन सन् २०१९ को नोभेम्बर महिनामा पर्यटक आगमन दर १८ प्रतिशतले घटेको छ ।

नेपाल पर्यटन बोर्ड स्रोतका अनुसार गत बर्ष सन २०१८ को नोभेम्बर महिनामा पर्यटक आगमन दर ४० प्रतिशतले बढेको थियो तर यो बर्षको मुख्य सिजनमा नै पर्यटक आगमन घटेको देखिएको हो । नेपाल पर्यटन बर्ष २०२० सन्निकट आइरहँँदा यस्तो तथ्याङ्क आएको हो ।

‘यो पर्यटक आगमनको मुख्य सिजन मात्र नभएर दक्षिण एसियाली खेलकुद (साग) डिसेम्बर १–१० पनि यतिखेर नै नेपालमा आयोजना गरिएको थियो ।’ बोर्ड स्रोतले भन्यो ‘तर पनि पर्यटक आगमन दर घटेको छ , यो परिस्थिले गम्भिर बनाएको छ ।’

अक्टोबर, नोभेम्बर र डिसेम्बर पर्यटक आगमनको प्रमुख सिजन हो । ‘खेल भईरहेका बेला स्वभाबैले भिडभाड हुने ठानेर खेलकुदप्रेमी बाहेकका पर्यटकहरु आउँदैनन ।’ होटल संघ नेपाल (हान) का प्रथम उपाध्यक्ष विनायक शाहले भने ‘त्यसमा पनि साग क्षेत्रीय खेलकुद भएकाले अन्य अन्तराष्ट्रि पर्यटक आगमन त्यसै पनि घट्छ ।’

होटल संघका अनुसार नेपालमा ट्राभल एजेन्सिहरुले होटल तथा जहाजको टिकट बुकिङ् गरे पछि १४ दिनको अबधि बाँकी रहँदासम्म टिकट र होटेलको कोठा रद्द गर्दा कुनै शुल्क लाग्दैन । त्यहि भएर जहाजको टिकट नपाएर पनि पर्यटकहरुको संख्यामा कमि आएको हो । आत्तिइ हाल्नु पर्ने अबस्था छैन ।