Sansar News
६ पुष, काठमाण्डौं । मकाउमा कार्यरत नेपालीका समस्याबारे परराष्ट्र मन्त्री प्रदिप ज्ञवालीलाई ध्यानाकर्षण गराइएको छ ।
कामको सिलसिलामा मकाउमा रहेका नेपालीहरु हङकङको ट्रान्जिट भिसा सहजरुपमा नपाउँदा धेरै वर्षदेखि भोग्दै आएको समस्याबारे परराष्ट्रमन्त्रीलाई ध्यानाकर्षण गराइएको हो ।
नेपाली कांग्रेसका प्रमुख सचेतक तथा सांसद बालकृष्ण खाँड, नेपाल चेम्बर्स अर्फ कर्मश मकाउका अध्यक्ष शुर्दसन थापा मगर, तरुणदलका कोषाध्यक्ष विधान गुरुङलगायतको समुहले आइतबार परराष्ट्रमन्त्रीलाई भेटेर उक्त समस्याप्रति ध्यानाकर्षण गराएको बताइएको छ ।
सोहि अवसरमा परराष्ट्रमन्त्री ज्ञवालीले यस विषयलाई आफूले गम्भीरताका साथ हेर्ने बताउँदै सम्बन्धीत समस्यालाई कसरी छिटो र सहज तरिकाले समाधान गर्ने विषयमा पहल थाल्ने बताएको नेपाल चेम्बर्स अफ कर्मश मकाउका अध्यक्ष शुदर्सन थापा मगरले संसारन्युजलाई जानकारी दिएका छन् ।
स्मरण रहोस्, सांसद् खाँडले यसभन्दा अघि पनि यस विषयमा संसद्को ध्यानाकर्षण गराएका थिए ।
वि.सं.२०७६ पुस ६ आइतवार १६:१९ मा प्रकाशित
