हामी सबैकाे संसारन्यूज

२२ मंसिर, भैरहवा । रुपन्देहीको सिद्धार्थ नगरपालिका गल्लामण्डीमा मंगलबार साँझ सिद्धार्थ उद्योग वाणिज्य सङ्घका वरिष्ठ उपाध्यक्ष कुलप्रसाद न्यौपानेमाथि गोली प्रहार भएको छ ।

सिनपा–६ गल्लामण्डीस्थित आफ्नै व्यावसायिक प्रतिष्ठान मुक्तिनाथ खाद्य स्टोरमा बसिरहेको समयमा मोटरसाइकलमा आएका व्यक्तिले न्यौपानेमाथि गोली प्रहार गरेका थिए । गोलीले न्यौपानेको कोखलाई छलेको जिल्ला प्रहरी कार्यालयका प्रहरी नायब उपरीक्षक बेलबहादुर पाण्डेले जानकारी दिनुभयो ।

घटनामा संलग्नमध्ये एक जना रुपन्देही सिपुवा गाविस–५ का वीरेन्द्र यादवलाई अत्याधुनिक पेस्तोलसहित पक्राउ गरिएको प्रहरीले जनाएको छ । घटनाबारे अनुसन्धान भइरहेको प्रहरीले जनाएको छ ।