हामी सबैकाे संसारन्यूज

१८ पुस, काठमाडौँ । बलिउड अभिनेत्री दीपिका पादुकोणको आज ३४ औँ जन्मदिन रहेको छ । उनी आफ्नो जन्मदिनमा पनि फिल्मको प्रमोसनमै व्यस्त छिन् ।

मेघना गुल्जारको निर्देशनमा बनेको चलचित्र ‘छपाक’ एसिड आक्रमणबाट बचेकी सर्भाइबर लक्ष्मी अग्रवालको वास्तविक जिवनमा आधारित रहेको छ । १० जनवरीमा प्रदर्शन हुने उक्त चलचित्रमा दीपिका एसिड पिडित नारीको भूमिकामा देखिँदै छिन् ।

अभिनेता रणवीर सिँहसँग विवाह बन्धनमा बाँधिएपछि यो उनको पहिलो चलचित्र हो । चलचित्र ‘छपाक’ प्रदर्शन हुनु भन्दा ४ दिन अघि पादुकोणको जन्मदिन रहेको छ र यो वर्षको जन्मदिनमा उनले कुनै योजना नबनाइ चलचित्र प्रमोसनमा नै व्यस्त हुने बताएकी छन् ।