हामी सबैकाे संसारन्यूज

युरोपियन र अमेरिकन मुलुकहरुबाट सुरु भएर वर्तमान अवस्थामा विश्वसमुदायमा समेत चर्चामा आइरहेको शिक्षाको एउटा आधुनिक दृष्टिकोण बालमैत्री विद्यालयको अवधारणा हो ।

बालमैत्री विद्यालय भनेको त्यस्तो विद्यालय हो जहाँ बालबालिकाहरुलाई पढ्न , लेख्न ,सिक्न, सामाजिक मूल्य मान्यता र संस्कृति जान्न, बुझ्न, जीवन निर्वाहका निम्ति आवश्यक सीप र ज्ञान आर्जन गर्न, सामाजिकिकरण गर्न अवसर उपलब्ध हुन्छ ।

साथै बालमैत्री विद्यालयमा बालअधिकारलाई उच्चतम मान्यता र सम्मान गर्दै बालबालिकाहरुलाई रमाइलो, आनन्दमय वातावरणमा सिक्ने, आफ्नो भावना र विचार स्वतन्त्रपूर्वक व्यक्त गर्न पाउने , आफ्नो जीवनको निर्णय आफैंले गर्ने , ठीक बेठीक छुट्याउने, समुदायमा सहयोगको भावना विकास गर्ने, आत्मविश्वास जगाउने , आत्मसम्मानको भावना विकास गर्ने अवसर दिइन्छ ।

WHO काअ नुसार बालमैत्री विद्यालयका ९ ओटा प्रमुख तत्वहरु यसप्रकार छन् ।
१.भौतिक वातावरण

२. भवन र सुविधा

३. सिकाइका उपकरण र सामग्रीहरु

४.मनोसामाजिक वातावरण

५. विद्यार्थी सहभागिता

६. सक्रिय सहभागिातामूलक सिकाइ

७. घर विद्यालयको सम्बन्ध

८. विद्यालय समुदाय सम्बन्ध

९. विद्यालय स्वास्थ्य प्रबद्र्धन