हामी सबैकाे संसारन्यूज

१८ पुष, काठमाडौँ । पार्टी एकतामा जोड दिँदै आएका नेपाल विद्यार्थी संघका पुर्व उपाध्यक्ष ऋषिकेश जंग शाहले माउ पार्टीका नेताहरुलाई प्रश्न गरेका छन् । उनले पार्टी नेतृत्वलाई प्रश्न गरेका छन् – ‘झगड़ालाई एजेण्डा बनाए पछि पार्टी कार्यकर्ता र जनताले के आशा गर्ने ? ‘

उनले पार्टीका नेताहरूको स्तर ने.बि संघको स्तरमा आउन नहुने बताएका छन् । पार्टीलाई एकता र मेलमिलाप आवश्यक रहेको जोड दिँदै उनले नेतृत्वलाई सर्तक गराउँदै भनेका छन् ‘अर्को पटक पनि कांग्रेस पराजित भयो भने फेरी उठन मुश्किल पर्ने छ । हेक्का रहोस ! त्यो परिस्थिति आयो भने इतिहासले तपाईहरूको पुस्तालाई माफ़ गर्ने छैन ।’

सामाजिक सञ्जालमा उनले लेखेका छन् :

“दुःखका साथ भन्नु पर्छ – मुलूकको लोकतान्त्रिक प्रणाली माथी नै सक्रमण बढ़ेको बेला पार्टी भित्रको समस्या समाधान गर्नुको साटो बढ़ाउनु भनेको एजेण्डाबिहीन राजनीति हो । नेतृत्व लीनका लागी पार्टी र देश बनाउने मुद्धा पहिचान गरेर हिडनु पर्छ । झगड़ालाई एजेण्डा बनाए पछि पार्टी कार्यकर्ता र जनताले के आशा गर्ने ?

पार्टीका नेताहरूको स्तर ने.बि संघको स्तरमा आऊनु हुदैन । के अब समानान्तर गतिबिधि पछि ने बि संघले जस्तै छुट्टाछुट्टै अभियान र समिति बनाउने हो ?

पार्टीलाई बचाउन मेलमिलाप र एकता आवश्यक छ । कुरा बुझौ । पार्टी भित्र एकता र मेलमिलापका लागी देशभरका ईमानदार कार्यकर्ता र नेताहरू जागौ । २ बर्ष पछि स्थानीय निर्बाचन र ३ बर्ष पछि आम निर्बाचन आऊदै छ । अर्को पटक पनि कांग्रेस पराजित भयो भने फेरी उठन मुश्किल पर्ने छ ।  हेक्का रहोस,  त्यो परिस्थिति आयो भने इतिहासले तपाईहरूको पुस्तालाई माफ़ गर्ने छैन ।”