Sansar News
१९ पुष, काठमाण्डौं । राजनैतिक दलको प्रमुख भातृसंस्था मानिने विद्यार्थी संगठनको एकता प्रक्रियालाई नेकपाले अभूतपूर्वरुपमा सम्पन्न गरेको छ ।
तत्कालिन एमालेको अनेरास्ववियू र तत्कालिन नेकपा माओवादी केन्द्य्रको अखिल (क्रान्तिकारी) वीच एकता गर्न ऐन महरलाई संयोजक र रंजीत तामाङलाई उपसंयोजक तोकी ३३५ सदस्यीय केन्द्रीय समिति बनाउन नेकपाले निर्देशन दिएको थियो ।
नेपाली विद्यार्थी आन्दोलनका दुई ठूला संगठनको यो एकतामा तत्कालीन अनेरास्ववीयुले १८० र तत्कालिन क्रान्तिकारीले १५५ जनाको प्रतिनिधत्व गराएको छ ।
निर्णय बमोजिमको केन्द्रीय कार्यालय, ४५ सदस्यीय स्थायी समिति र १११ सदस्यीय सचिवालय कमिटीका साथै अनुशासन आयोग, लेखा आयोग र निर्वाचन आयोगमा अध्यक्ष र सचिवसहित २१ सदस्य रहने व्यवस्था भएको पनि जनाइएको छ ।
नेकपा नेता तथा फ्याक्सन इन्चार्ज हितमान शाक्य, सहइन्चार्ज विनोद ढकाल तथा संयोजक र सहसंयोजक सहित बसेको फ्याक्सन कमिटीको बैठकले सो निर्णय गरको जनाइएको छ ।
वि.सं.२०७६ पुस १९ शनिवार १३:१० मा प्रकाशित
