हामी सबैकाे संसारन्यूज

नेपाली काङ्ग्रेसकी नेतृ पुष्पा भुसालले रामचन्द्र पौडेल समुहले प्रजातन्त्रकै खील्ली उडाएको आरोप लगाएकी छन् । पार्टी भित्र थपिएका विभागका लागी लामोसमय वार्गेनिङ्ग गर्ने र आफूले चाहेजस्तो भाग नपाए पछि वीतन्डा गर्ने शैली अत्यन्तै अप्रजातान्त्रीक भएको भुसालको आरोप छ ।

प्रतिनिधी सभामा मुख्य विपक्षी दलको सचेतक समेत रहेकी नेतृ भुसालले– पौडेल पक्षले १४ औँ महाधिवेशनको तयारी स्वरुप नयाँ खाले स्टन्ट गरेको बताएकी छन् । केन्द्रीय समिती जस्तो वैधानीक फोरममा फरक मत नराख्ने अनि विधानले चिन्दै नचिनेको सभापती भेला बोलाएर उक्त समुहले प्रजातन्त्रको खील्ली उडाएको भुसालको कथन रहेको छ ।

केन्द्रीय समितिको बैठक बहिस्कार जस्तो अत्यन्तै अप्रजातान्त्रीक आचरण पौडेल समुह बाट भएको भुसालले बताइन । भुसालका अनुसार “अरुलाई प्रजातन्त्र सिकाउनु पर्ने बेला हामी आफैँ अप्रजातान्त्रीक बाटो बाट हिड्नु लज्जा जनक कदम हो” ।

पौडेल समुहको पछिल्लो कदमले ५ लाख पार्टी सदस्य सहित ३८ लाख भोटरमाथी पनि अन्याय गरेको आरोप केन्द्रिय सदस्य समेत रहेकी नेतृ भुसालले लगाएकी छन् । पछिल्लो सभापती भेलालाई भुसालले टाउको दुखेको औषधी नाभीमा लगाउने प्रवृती भएको बताइन् ।