हामी सबैकाे संसारन्यूज

२२ पुष, दिल्ली । दिल्लीका मुख्यमन्त्री अरविन्द केजरीवालले आफूँ मुख्यमन्त्री भएपछि गरेका कामको फेहरिस्त प्रस्तुत गरेका छन् ।

आम आदमी पार्टीबाट दिल्लीका मुख्मन्त्री बनेका केजरीवालको आगामी फेब्रअरीमा हुन लागेका भारतको विधानसभाको निर्वाचनको तयारी जोडतोडले गरेको छ ।

केजरीवालले निर्वाचनलाई मध्येनजर गर्दै आफ्नो पाँचवर्षेको कार्यकालमा भएका उपलब्धिबारे बताएका छन् ।

केजरीवालका अनुसार केन्द्र सरकारको नीति आयोगले दिल्लीलाई नम्बर १ राज्य घोषणा गरेको, दिल्लीको सबै सरकारी अस्पतालमा निःशुल्क उपचार जसमा उपचारका क्रममा १५ लाख खर्च भएपनि दिल्ली सरकारले बेर्होने केजरीवालले बताएका छन् ।

त्यसैगरी स्वास्थ्य क्षेत्रको बजेटमा ३५ सय करोडबाट बढाएर ७५ सय करोडमा पुर्याएको । उनका अनुसार विगतको तुलनामा यो डबल बजेट हो ।

त्यस्तै दिल्लीभरीमा ४०० भन्दा बढी क्लिनकहरु खोलिएको छ । दिल्लीका २ करोड मानिसहरुबीच डेंगु सफाई अभियानमा सफलता , डेंगुका १३ सय केस आएपनि १ जनाको पनि डेंगुबाट मृत्यु नभएको उनले दावी गरेका छन् ।

दिल्लीभर २४ घण्टा निःशुल्क विजुली । जहाँ ३२ लाख उपभोक्ताको विजुलीको विल शून्य आएको तथा ९३ प्रतिशत कोलोनीका धारामा पानी आउने गरेको तथा १४ लाख परिवारको पानीको बिल शून्य आउने गरेको समेत उनले दावी गरेका छन् ।

शिक्षाको क्षेत्रमा क्रान्तिकारी परिवर्तन गरिएको बताएका केजरीवालले पछिल्लो तीनवर्षको अवधिमा दिल्लीका सरकारी स्कुलमा पढ्ने विद्यार्थीको नतिजा प्राइभेट स्कुलको भन्दा राम्रो देखिएको छ ।

त्यस्तै ८ हजार करोड कमसल घरहरु रहेका क्षेत्रमा निर्माणका लागि खर्च गरिएको तथा बनाउन खर्च गरिएको तथा १७९७ कलोनीमा १२८१ कोलोनीमा सडक तथा ढल निर्माण गरिएको केजरीवालले दावी गरेका छन् ।

केजरीवालका अनुसार दिल्लीको सडकमा चलाउनका लागि ४३ सय नयाँ बस ल्याउनका लागि तयार रहेको, मेट्रको रुट १७३ किलोमीटरबाट २९० किलोमिटर सम्म पुर्याइएको समेत उनले बताएका छन् ।

त्यस्तै दिल्लीमा २ लाख ८० हजार सिसि क्यामेरा जडान गर्न लागिएको जसमा १ लाख ४० हजार क्यामरा लगाउन बाँकी रहेको केजरीवालले जनाएका छन् ।

त्यसैगरी भारतभरी नै दिल्ली मात्र यस्तो राज्य हो जहाँ महिलाहरुले बसभाडा तिर्नुपर्दैन । महिलाहरुको सुरक्षाका लागि दिल्लीको हरेक कुनामा लाइट जोड्ने प्रतिवद्धता समेत उनले गरेका छन् ।

ड्राइभिङ लाइसेन्सका लागि अनलाईन सिस्टम, एकसय प्रकारकार सरकारी काम घरमै बसेर गर्न सकिने विधि निर्माण भएको पनि केजरीवालले दावी गरेका छन् । साथै २५ हजार वृदवृद्धालाई तिर्थयात्रा गराइएको पनि उनले बताएका छन् ।

केजरीवालको उक्त समिक्षा सुनेर केन्द्रीय गृहमन्त्री अमित शाहले भने आम आदमीको स्टन्ट फेव्रुवरी पहिलो सातावाट सकिने वताएका छन् । शाहले केजरीवालको फ्री वाइफाइ खोज्दा खोज्दै मोवाइलको चार्जनै सकिने व्यङग गरेका छन । शाहको सुझाव छ ‘केजरीवालजी फेव्रुवरीसम्म रामै्र नाटक गरीरहनुस् ।’

दिल्लीको विधानसभा निर्वाचन फेब्रअरी ८ मा हुन लागेको भारतीय निर्वाचन आयोगले जनाएको छ ।