हामी सबैकाे संसारन्यूज

२५ पुष, काठमाण्डौ । पर्वत समाज कतारले मृतकका परिवारलाई आर्थिक सहयोग गरेको छ ।

कतारमा कार्यरत पर्वत पैयुगाउँपालिका वडा नं ३ साविक वेउलीवास वडा नं ८ का देवेन्द्र कुमार थापाको दुर्घटनामा गम्भीर घाईते भएपछि असोज २८ गते नेपाल फिर्ता पठाइएको थियो । नेपाल ल्याएपछि उनको काठमाण्डौंमा ग्रिनसिटी अस्पतालमा उपचारकै क्रममा पुष ११ गते मृत्यु भएको थियो ।

कोमामा रहेका थापाको उपचारका लागि  समाजका तर्फबाट छविलाल भट्टराईको संयोजनमा संकलन भएको उक्त रकम संकलन गरेको तर, उनको उपचारका क्रममा मृत्यु भएपनि उनको बालबच्चाको लालन पालन तथा शिक्षाका लागि उक्त रकम खर्च गर्न अनुरोध गर्दै परिवारलाई हस्तान्तरण गरेको हो ।

समाजले पैँयु गाउँपालिकाका अध्यक्ष खगेन्द्र तिवारीको प्रमुख आतिथ्यता तथा सोहि गाउँपालिका वडा नं ३ का अध्यक्ष विष्णु प्रसाद काफ्ले, वडा सदस्य दण्डपाणी तिवारी र देउ बहादुर थापाको आतिथ्यतामा समाजका निर्बतमान अनुशासन विभाग प्रमुख याम बहादुर केसीमार्फत् मृतककी आमा भिम कुमारी थापालाइ ४७,७१७ (सत्चालिस हजार सातसय सत्र रुपैयाँ) हस्तान्तरण गरिएको हो ।

उक्त हस्तान्तरण कार्यक्रममा सुमित्रा देवी थापा, शम्सेर थापा, टेक बहादुर थापा, अमर बहादुर थापा, कृष्ण प्रसाद रिजाल, भिम कुमारी थापा, गणेश बहादुर थापा, सोम बहादुर थापा, प्रविण राना, बल बहादुर थापा, दिपक सुनार, सागर थापा र चेत कुमारी थापाको उपस्थिति रहेको थियो ।