हामी सबैकाे संसारन्यूज

२७ पुस, काठमाडौँ । बलिउडका सुपरस्टार ऋतिक रोशनले १० जनवरी मा आफ्नो ४६ औँ जन्मोउत्सव मनाएका छन् । १९७४ मा जन्मिएका ऋतिक उनको अभिनय र नृत्यको दमले बलिउडका ठूला स्टार मानिन्छन् ।

६ वर्षको उमेरदेखि आफ्नो अभिनय करिअर सुरुवात गरेका उनले जसमा स्वर्गीय अभिनेत्री श्रीदेवी र साउथका सुपरस्टार रजनीकान्तको छोराको भूमिका निभाएका थिए । उनको सम्बन्ध एक्टिङ परिवारबाट नभइ संगीत परिवारबाट हो र म्यूजिकको नलेज उनलाई जन्मदेखि नै थियो । यसकारण, ‘जिन्दगी ना मिलेगी दुबारा’ र ‘गुजारिश’ जस्तो फिल्ममा उनले गीत समेत गाएका छन् ।

ऋतिक रोशनले आफ्नो पहिलो फिल्म ‘कहो न प्यार है’ पछि आफ्नो फस्र्ट लभ सुजेन खानसँग सन् २००० मा विवाह बन्धनमा बाँधिएका थिए । तर, आपसी मतभेदका कारण दुईले १४ वर्ष लामो बैबाहिक जीवन टुंग्याए । सन् २०१४ मा उनीहरुको डिभोर्स भएको थियो । उनीहरुका दुई छोरा पनि छन् । ऋतिक र सुजेनको डिभोर्स भए पनि छोेराका लागि भने उनीहरु सधैं समय निकाल्ने गर्दछन् ।

मुम्बई मिररको रिपोर्ट अनुसार, ऋतिकले आफूलाई विवाहका लागि ३० हजार बढी युवतीको प्रस्ताव आएको खुलासा गरेका थिए । तर, उनले सुजेनसँग विवाह गरे । उनले आफ्नो करिअरमा कयौँ सुपरहिट फिल्म दिएका छन् । गएको वर्ष उनका लागि निकै सानदार रह्यो । एशियाको ‘मोस्ट ह्यान्डसम म्यान’ को अवार्डसँगै उनका दुई फिल्म ‘वार’ र ‘सुपर ३०’ सुपरहिट सावित भएको थियो ।