१४ फागुन, हङकङ । हङकङको वान चाई ४०–५४ स्थित एक निजी भवनको ७ तला माथिबाट हाम फालेर आत्महत्या गर्ने नेपाली युवतीको पहिचान खुलेको छ ।
फेब्रअरी २२ का दिन घरको छतबाट हाम फालेर आत्महत्या गरेकी नेपाली युवती धरानकी २९ वर्षीया वर्षिका राई रहेको नेपालखबरडटकमका लागि हङकङबाट मगेन्द्र राईले लेखेका छन् । प्राप्त जानकारी अनुरसार पुख्यौली घर खोटाङ भई लामो समयदेखि परिवार छाडेर हङकङमा बस्दै आएकी राई अविवाहित रहेको र उनका बाबुआमालगायतका परिवार बेलायतमा बस्दै आएको छन् भने उनकी दिदी सिंगापुरमा रहेको उनका आफन्तले बताएका छन् ।
वर्षिकाले आत्महत्या गर्नुभन्दा पहिला सिंगापुरमा रहेकी दिदीसँग लामो कुराकानी गरेको पनि खुलेको प्रहरी अनुसन्धानले देखाएको छ ।
खोटाङ समाज हङकङका पूर्वअध्यक्ष अघिराज (प्रकाश) राई का अनुसार परिवारका सदस्य हङकङमा नरहेकोले नातामा भेनाजु पर्ने व्यक्तिसँग राईको शब नेपाल पठाउन लागिएको समेत बताइएको छ ।
राईलाई नजदिकबाट चिन्नेहरुले उनले डिप्रेशनको कारण आत्महत्या गरेको हुन सक्ने बताएका छन् भने उनी एकान्तमा बस्न मनपराउने, भिडभाडमा झर्कने, अरुको कुरामा ध्यान नदिने, तथा अस्वभाविक कुरा गर्ने गरेको पनि बताइएको छ ।
के कारणले छतबाट हाम फालेर आत्महत्या गरिन् हङकङमा नेपाली चेलीले ?
वि.सं.२०७६ फागुन १४ बुधवार ०९:३२ मा प्रकाशित