Sansar News
काठमाडौँ । पूर्व प्रधानमन्त्री पुष्पकमल दाहाल (प्रचण्ड) की नातिनीले गाएको गीतमा नायिका रेखा थापा नाच्ने भएकी छन् ।
रेखा फिल्म्सको ब्यानरमा बन्न लागेको नयाँ चलचित्रको लागि स्मिताले गीत गाएकी हुन् । सानै उमेरदेखि गीत गाउन थालेकी स्मिताले रेखाको नयाँ चलचित्रको लागि आफ्नो स्वर रेकर्ड गराएकी छन् ।
यस भन्दा अगाडी पनि उनले ‘मायालु तिमी कता छौ’ र ‘कल्लाई था छैन’ जस्ता हिट गीत दिएकी छन् । यिनै गीत सुनेर रेखाले स्मितालाई आफ्नो प्रोजेक्टमा लिएकी हुन् । रेखाको फिल्ममा ‘नेपाल आइडल फस्ट का सेकेण्ड रनरअप’ अर्थात् गायक प्रताप दासले पनि गीत गाउने भएका छन् ।
रेखाको यस चलचित्रलाई सविर श्रेष्ठले निर्देशन गर्ने भएका छन् भने उक्त चलचित्रमा रेखा थापा, दयाहाङ राइ र सौगात मल्ल मूख्य भूमिकामा देखिने भएका छन् । बैशाखबाट छायांकन हुने उक्त चलचित्र तिहारमा प्रदर्शन हुने बताइएको छ ।
वि.सं.२०७६ फागुन १४ बुधवार १५:४४ मा प्रकाशित
