२० फागुन, काठमाडौँ । तीनदिन लगातार घट्दै आएको सुनको मूल्य आज फेरि बढेको छ ।
नेपाल सुनचाँदी व्यवसायीका अनुसार आज मंगलबार सुनको मूल्य ३ सयले बढेको हो ।
सोमबार छापावाला सुन ७८ हजार रुपैयाँमा कारोबार भएकोमा आज मंगलबार ३ सयले बढेर तोलामा ७८ हजार ३ सय रुपैँयामा कारोबार भइरहेको छ । त्यस्तै, तेजाबी सुनपनि बढेर तोलाको ७८ हजार पुगेको छ ।
मंगलबारको बजारमा चाँदीको मूल्य भने स्थिर रहेको छ । सोमबार ८ सय ६० रुपैँयामा कारोबार भएको चाँदीको मूल्य आज पनि सोहि मूल्यमा कारोबार भइरहेको नेपाल सुन चाँदी व्यवसायी महासङ्घले जनाएको छ ।
वि.सं.२०७६ फागुन २० मंगलवार ११:३० मा प्रकाशित