हामी सबैकाे संसारन्यूज

काठमाडौँ । संजय लीला भन्सालीको नयाँ चलचित्र ‘गंगुबाई काठियावाडी’मा अभिनेत्री आलिया भट र क्याट्रिना कैफ एकसाथ देखिने भएका छन् ।

यस चलचित्रमा अभिनेत्री आलिया भट माफिया रानीको भूमिकामा देखिने भएकी छन् । फिल्मबाट उनको लुकको पोस्टर पनि जारी गरिएको छ । त्यस्तै, पछिल्लो समय अभिनेत्री क्याट्रिना कैफ पनि यस चलचित्रमा अनुबन्ध भएको खबर बाहिरीएको छ ।

क्याट्रिनाले हालसालै निर्देशक लीला भन्सालीको अफिसमा गएर एक तस्बिर सार्वजनिक गरे पश्चात् यस फिल्ममा उनी पनि रहेको धेरैको अनुमान रहेको छ । एक मिडिया रिपोर्टका अनुसार क्याट्रिनाको यस चलचित्रमा नृत्य मात्र रहेको भनाइ छ । यि, दुबै नायिका अभिनेता रणबिर कपूरका प्रेमीका हुन् । क्याट्रिना पूर्व प्रेमीका हुन् भने आलिया अहिलेकी प्रेमीका हुन् । रणबीर र आलियाको आउने वर्ष विवाह समेत हुने चर्चा चलेको छ ।