हामी सबैकाे संसारन्यूज

२० फागुन, काठमाडौं । आफ्नै अनुयायीमाथि बलात्कारको आरोप लागेका सिद्धबाबा भनिने कृष्णबहादुर गिरिलाई जेल चलान गरिएको छ । मंगलबार बिहान जिल्ला अदालत सुनसरीमा आफैं उपस्थित भएका उनलाई जेल चलान गरिएको जिल्ला प्रहरी कार्यालय सुनसरीका प्रमुख प्रहरी उपरीक्षक विनोद शर्माले जानकारी दिए।

गिरी अदालतमा उपस्थित भएको जानकारी पाएलगतै प्रहरी त्यहाँ पुगेको थियो। उच्च अदालतले अनुयायीमाथि बलात्कार गरेको आरोपमा उच्च अदालतले ९ माघमा पुर्पक्षका लागि थुनामा पठाउन आदेश दिएको थियो। गिरी भने अदालतमा बहस हुँदै गर्दा भारततिर भागेका थिए।

उच्च अदालत सुनसरीमा बहस जारी रहेकै बेला उनी भारत पसेका थिए ।