Sansar News
२० फागुन, काठमाडौं । राष्ट्रियसभा सदस्यको दुईवर्षे कार्यकाल सकिएलगत्तै अर्थमन्त्रीबाट राजीनामा दिएका डा युवराज खतिवडा प्रधानमन्त्री केपी शर्मा ओलीलाई भेट्न अस्पताल पुगेका छन् ।
आजबाट राष्ट्रियसभा सदस्यको कार्यकाल सकिएसँगै खतिवडाले मुख्यसचिव लोकदर्शन रेग्मीमार्फत राष्ट्रपतिसमक्ष राजीनामा दिएका थिए । राजीनामा दिएलगत्तै खतिवडा प्रधानमन्त्रीलाई भेट्न अस्पताल पुगेका हुन् ।
प्रधानमन्त्री केपी शर्मा ओली मिर्गौला प्रत्यारोपणका लागि सोमबार साँझ त्रिवि शिक्षण अस्पताल महाराजगञ्ज भर्ना भएका छन् । डा खतिवडालाई सञ्चारकर्मीले मन्त्री पद र राष्ट्रिय सभा सदस्यबारे जिज्ञासा राखेका थिए । उनले अझै एक दिन कुर्नुस थाहा भइहाल्छ भन्ने जवाफ दिए ।
वि.सं.२०७६ फागुन २० मंगलवार १६:४१ मा प्रकाशित
