Sansar News
२२ फागुन, काठमाडौँ । काठमाडौँमा सञ्चालित विद्युतीय बसमा ज्वरो नापेर मात्र यात्रा गर्नुपर्ने भएको छ ।
सुन्दर यातायात कम्पनीले बिहीबारदेखि ज्वरो नापेर मात्रै गाडीमा प्रवेश गराउने जनाएको छ कोरोना भाइरस ( केभिड १९) को सन्त्रास फैलिएसँगै कम्पनीले संक्रमणबाट जोगिन यस्तो निर्णय लिएको हो । कम्पनीका अध्यक्ष भेषबहादुर थापाले तापक्रम तथा ज्वरो जाँच्न चारवटा इन्फ्रारेड थर्माेमिटर ल्याइएको बताए ।
‘हाम्रा गाडी उत्पादक चिनियाँ कम्पनी बिएकेले थर्माेमिटर पठाएको छ,’ उनले भने, ‘उक्त कम्पनीले देशभरका बिजुली बस खरिदकर्तालाई पठाएको रहेछ । ’ कम्पनीले दुइवटा विद्युतीय बस चक्रपथ सडकखण्डमा सञ्चालन गरिरहेको छ । बिहीबारको कान्तिपुर दैनिकबाट
वि.सं.२०७६ फागुन २२ बिहीवार ०७:३० मा प्रकाशित
