हामी सबैकाे संसारन्यूज

२२ फागुन, काठमाण्डौं । चीनको वुहानबाट सुरु भएको कोरोना भाइरस (कोभिड–१९) का कारण संसारभर त्रास फैलिरहेको छ यतिबेला । कोरोना भाइरस अहिले विश्वका झण्डै ८० देशमा फैलिएको छ ।

नेपालमा पनि यसको संक्रमणबाट बच्नका लागि विभिन्न उपाहरु अपनाउनुका साथै सचेतना कार्यक्रमहरु सुरु गर्न थालिएको छ । सरकारले यसका लागि उच्चस्तरीय कमिटी गठन समेत गरेको छ ।

कोरोना भाइरस संक्रमणबाट बच्नका लागि जिल्ला प्रशासन कायमाण्डौंले एक सूचना जारी गर्दै भिड भाडमा नजान, भेला, सभा, सम्मेलन लगायतका कार्यक्रमहरु नगर्न पनि अनुरोध गरेको छ ।

विहिबार एक सूचना जारी गर्दै भनिएको छ, ‘ भेला, सभा, सम्मेलन लगायतका कार्यक्रम नगर्न अनुरोध गरिइसकेको सन्दर्भमा काठमाण्डौं जिल्लामा अर्को निर्णय नभएसम्मका लागि विभिन्न प्रकारका उत्सव, मेला, पर्व (होली लगायत) का कार्यक्रमको आयोजना नगर्न र त्यस्ता सम्मेलन तथा कार्यक्रममा सहभागी नहुन समेत अनुरोध छ ।’