Sansar News
माल पाएर चाल पाइनौ, मैंले के गर्नु त ?
सोझो थिएँ हत्याइनौ, मैंले के गर्नु त ?
टाँसिएर कति हिंड्यौ, चस्स कुहिनाले
हल्का धक्का लगाइनौ ,मैंले के गर्नु त ?
निकैपल्ट पीरतीका कुरा कोट्याइहेरें
एउटै कुरो मिसाइनौ, मैंले के गर्नु त ?
अरूलाई आँखा छल्दै यसो सङ्केत गर्न
देब्रे आँखो झिम्क्याइनौ मैंले के गर्नु त ?
मौका पार्दै चौका दाउ हान्नुपथ्र्यो होला
छक्का पञ्जा सिकाइनौ, मैंले के गर्नु त ?
तिमी एक र म पनि एक जम्मा दुई हुन्थ्यो
त्यत्ति हिसाब मिलाइनौ मैंले के गर्नु त ?
हाने मर्छ बोले टर्छ ,यति जान्दाजान्दै
छ्याङ्ग पारी बताइनौ, मैंले के गर्नु त ?
वि.सं.२०७६ फागुन २४ शनिवार ०९:५८ मा प्रकाशित
