हामी सबैकाे संसारन्यूज

२४ फागुन,काठमाण्डौं । धनगढी उप-महानगरपालिकाले यसअघि जारी गरेको सूचनालाई सच्याउँदै फेरि अर्को सूचना जारी गरेको छ ।

उपमहानगरपालिकाले यसअघि एक सूचना जारी गरी फागुन २५ गते सम्म उपमहानगरपालिका अन्तर्गत संचालित सामुदायिक तथा संस्थागत विद्यालयहरुको बार्षिक परीक्षा र सम्पूर्ण पठन पाठनका क्रियाकलाप अर्को सूचना जारी नभएसम्म २०७६ फागुन २५ गतेदेखि लागु हुने गरी बन्द गर्ने सूचना जारी गरेको थियो ।

विश्वका विभिन्न देशका फैलिएको कोरोना भाइरसको संक्रमण तथा जोखिमबाट बच्नका लागि उपमहानगरपालिकाले आफू अन्तर्गतका सम्पूर्ण विद्यालय बन्द गर्ने निर्णय गरेको थियो । तर, यता संघीय सरकारले चैत ५ भित्र कक्षा १ देखि ९ सम्मको वार्षिक परीक्षा सक्नुपर्ने निर्णय गरेकाले उपमहानगरपालिकाले आफ्नो निर्णय सच्याएको हो ।

उपमहानरगपालिकाले शिक्षा विज्ञान तथा प्रविधि मन्त्रालयको च.नं ३६९ २०७६]११/२० को पत्रअनुसार २०७६ सालको कक्षा १ देखि ९ सम्मको बार्षिक परीक्षा यथाशिघ्र प्रारम्भ गरी आगामी चैत ५ गतेभित्र सम्पन्न गरि सक्नुपर्ने उल्लेख भै आएकोले शिक्षा सरोकारवालाहरुको फागुन २४ गतेको आम भेलाको निर्णयअनुसार सम्पूर्ण सामुदायिक तथा संस्थागत विद्यालयहरु यथावत रुपमा संचालन गरिसक्नुपर्ने निर्णय भएकाले सो अनुसार गर्न गराउन हुन सम्बन्धीत सबै सरोकारवालाहरुको जानकारीका लागि यो सूचना प्रकाशित गरिएको व्यहोरा अनुरोध छ ।’ उपमहानगरपालिकाद्धारा शनिबार जारी विज्ञप्तिमा भनिएको छ ।

कोरोनाबाट जोगिन भन्दै विद्यालय बन्द गर्ने धनगढी उपमहानगपालिकाको निर्णय