हामी सबैकाे संसारन्यूज

२५ फागुन, काठमाडौं । चीनको ग्वान्जाउ शहरको एक क्वारेन्टाईन केन्द्र भत्किदा मृत्यु हुनेको संख्या ७ पुगेको छ । केन्द्रमा च्यापिएका ७० जना मध्ये ४० जनाको जिवितै उद्वार गरिएको विदेशी समाचार माध्यमहरूले जनाएका छन् । दक्षिणपूर्वी चीनको ग्वान्जाउ शहरको शिन्जयामा शनिबार साँझ साढे ७ बजे कोरोना क्वारेन्टाइन केन्द्र भत्किएको हो ।

पॉच तल्ले क्वारेन्टाइन केन्द्र होटल भत्किँदा च्यापिएकहरूको उद्वार कार्य जारी रहेको बताइएको छ । उद्धारका लागि १ सय ४७ जना उद्धारकर्ता परिचालन गरिएको छ । उद्धारकर्ताहरुले चार घण्टाको अवधीमा अबेर रातीसम्म ४० जनाको जिवितै उद्धार गरेको चीन सरकारले जनाएको छ ।