हामी सबैकाे संसारन्यूज

२७ फागुन । सरकारले कोरोना भाइरस (कोभिड १९) संक्रमणको आशंकामा चीनको वुहानबाट उद्धार गरेर ल्याइएका नेपालीहरुलाई जस्तै अन्य मानिसलाई क्वारेन्टाइनमा राख्न नसक्ने बताएको छ।

मंगलबार स्वास्थ्य तथा जनसंख्या मन्त्रालयमा राष्ट्रिय युवा संघ नेपालको ध्यानकर्षणपत्र बुझ्दै स्वास्थ्य तथा जनसंख्यामन्त्री भानुभक्त ढकालले क्वारेन्टाइनमा बस्नु पर्ने अवस्था आए नेपालीहरु आफैं क्वारेन्टाइनमा बस्नु अनुरोध गरेका छन् ।

उनका अनुसार आफै क्वारेन्टाइनमा बसे पनि विश्व स्वास्थ्य संगठनको मापदण्ड भने पालना गर्नुपर्ने हुन्छ । सेल्फ क्वारेन्टाइनमा बस्नेले दिनैपिच्छे ज्वरो आएको छ/ छैन नाप्नु पर्ने, परिवारसँग कति दुरीमा बस्ने, के खाने ? के गर्ने, के नगर्ने ? सरकारले बनाएको मापदण्ड मान्नु पर्ने उनको भनाई छ ।
मन्त्री ढकालले ज्वरो आएमा, रुघाखोकी लागेमा अस्पतालमा परीक्षण गर्ने व्यवस्था गरिएको र यदि परीक्षण गराउँदा पोजेटिभ रिजल्ट देखिएमा अस्पतालमा राखेर उपचार गर्नुपर्‍यो भने त्यसको जिम्मा राज्यले लिने जानकारी दिए ।