हामी सबैकाे संसारन्यूज

२८ फागुन । विश्वभर फैलिरहेको कोरोना भाइरस(कोविड १९) बाट अहिले सबैभन्दा धेरै प्रभावित इटाली बनेको छ । इटालीमा कोरोनाबाट मृत्यु हुनेको संख्या बढ्नुको कारण स्कुल कलेज बन्द हुनु भएको खबर संचारमाध्यमहरुले छापेका छन् । सरकारकाले स्कुल, कलेज अफिसहरु बन्द गरेपछि मानिसहरु बच्चा बोकेर पार्क तिर घुम्न गएका कारण पनि छिटो रुपमा संक्रमण फैलिएको खबरहरु छन् ।

इटाली अहिले पुरै नाकाबन्दिमा छ । १० हजार मानिस कोरोना संक्रमित भएका छन् भने ४ सय मानिसको मृत्यु भएको बताइएको छ । ६० मिलियन नागरिकहरुलाई अर्को देश जान प्रतिबन्द लगाइएको छ । स्कुल, कलेज तथा अफिसहरु बन्द गरिएका छन् भने सार्वजनिक कार्यक्रम गर्न प्रतिबन्द लगाइएको छ ।

फ्रान्स र स्पेनमा पनि संक्रमितको संख्या बढीरहेको छ ।

चीनको हुबई प्रान्तको वुहानबाट फैलिएको कोरोना भाइरस यतिबेला संसारभर फैलिएको छ । कोरोनाको उत्पत्ति स्थल चीनमा यो रोग नियन्त्रणमा आएपनि अन्य देशहरुमा बढ्ने क्रममा रहँदा आम मानिसहरु त्रसिद बनेका छन् ।

अहिले अन्तर्राष्ट्रिय रुपमा १ लाख १३ हजार भन्दा बढी मानिस संक्रमित भएको र ४ हजार जनाको मृत्यु भएको तथ्यांक छ ।