हामी सबैकाे संसारन्यूज

२९ फागुन, काठमाडौं । विश्वव्यापी महामारीको रुपमा देखिएको कोरोना भाइरसको संक्रमण रोक्न भरतपुरको सरकारी अस्पतालले थप तयारी शुरु गरेको छ । अस्पतालले आइसोलेसन वार्डमा बेड संख्या बढाएर १९ पुर्‍याइएको छ ।

अस्पतालले शंकास्पद लक्षण देखिएका व्यक्तिलाई सिधै सो वार्डमा लैजाने प्रबन्ध मिलाएको अस्पतालका प्रमुख मेडिकल सुपरिटेन्डेन्ट डा श्रीराम तिवारीले बताए । अस्पतालका अनुसार बिहीबार मात्रै शंकास्पद एकजना व्यक्ति वार्डमा आएका छन्। उनको नमुना परीक्षणका लागि केन्द्रीय प्रयोगशालामा पठाईएको छ ।

अस्पतालका प्रमुख मेडिकल सुपरिटेन्डेन्ड डा श्रीराम तिवारीको अध्यक्षतामा बिहीबार बसेको बैठकले यसअघि तीन सदस्यीय काभिड–१९ आउटब्रेक म्यानेजमेन्ट टिमलाई पनि विस्तार गरेर १३ सदस्यीय बनाएको छ।