Logo
२ कार्तिक २०७८, मंगलवार
     Tue Oct 19 2021
E-paper
  English Edition
   Unicode
Logo

कोरोना संक्रमित ८ देशबाट ३४ हजार पर्यटक नेपाल आए



Passengers wear masks to prevent an outbreak of a new coronavirus in a subway station, in Hong Kong, Wednesday, Jan. 22, 2020. The first case of coronavirus in Macao was confirmed on Wednesday, according to state broadcaster CCTV. The infected person, a 52-year-old woman, was a traveller from Wuhan. (AP Photo/Kin Cheung)

३० फागुन, काठमाडौं । अध्यागमन विभागले कोरोना भाइरस संक्रमणलाई आधार मान्दै अन अराइभल भिसामा रोक लगाएका आठ देशबाट ३४ हजारभन्दा बढी पर्यटक नेपाल आएका छन् । सन् २०२०को पहिलो दुई महिनामा ती मुलुकबाट हवाई मार्ग हुँदै ३४ हजार चार सय ४५ पर्यटक नेपाल भित्रिएको अध्यागमन विभागको अभिलेखले देखाउँछ।

मार्च ६ देखि चीन, जापान, दक्षिण कोरिया, इरान र स्पेनका नागरिकलाई अनअराइभल भिसामा रोक लगाएको सरकारले गतसोमबारदेखि फ्रान्स र जर्मनीलाई समेत उक्त सूचीमा राखेको छ । कोरोना भाइरसको संक्रमण गत डिसेम्बर अन्तिम साता चीनको वुहानमा पहिलोपटक देखिएको हो । जनवरी र फेब्रुअरीमा चीनबाट १५ हजार चार सय ५४ पर्यटक हवाई मार्ग हुँदै नेपाल आएका छन् । अर्को संक्रमित मुलुक जापानबाट चार हजार पाँच सय ३४, दक्षिण कोरियाबाट पाँच हजार एक सय ५७, इटालीबाट १२ सय ६९, इरानबाट दुई सय २१, फ्रान्सबाट दुई हजार नौ सय ३१, जर्मनीबाट तीन हजार सात सय ३४ र स्पेनबाट ११ सय ४५ पर्यटक नेपाल भित्रिएको सरकारी तथ्यांकले देखाउँछ।

कोरोना संक्रमण रोक्न छिमेकी मुलुक भारतले कुनै पनि मुलुकका नागरिकलाई १५ अप्रिलसम्मभिसा नदिने निर्णय गरेको छ।

नेपाल आउने पर्यटकले भने थर्मल स्क्यानर (सामान्य ज्वरो तथा रुधा–खोकी जाँच)को आधारमा खुलेआम प्रवेश पाइरहेका हुन्। सरकारले गत फागुन ४ गते चीनबाट नेपाल ल्याइएका एक सय ७५ नेपालीसहित उनीहरुलाई लिन चीन गएको नेपाल वायुसेवा निगमका जहाजका कर्मचारीलाई १४ दिन क्वारेन्टाइनमा राख्यो। तर संक्रमित मुलुकबाट आउने अन्य हवाई यात्रुलाई भने आइसोलेसन वा क्वारेन्टाइनमा राख्ने व्यवस्था गरेको छैन । डब्लुएचओका अनुसार केही देशमा १४ दिन क्वारेन्टाइनमा बसेकामा समेत कोरोनासंक्रमण देखिएकोे पुष्टि भएको छ।

हाल भाइरस संक्रमण फैलिएका देशसँग हवाई सम्पर्क कायमै रहेकाले सर्वसाधारणमा भाइरसभित्रिने त्रास कायमै छ। सरकारी अधिकारी भने आवागमन बन्द गरेर समस्या समाधान नहुने बताउँदै विमानस्थलमा उच्च सतर्कता बढाएको र प्रभावित देशबाट आएका यात्रुमाथिको निगरानी विशेष बनाएको तर्क गर्छन् ।


यो खबर पढेर तपाईलाई कस्तो महसुस भयो ?

काठमाडौं । प्रमुख प्रतिपक्षी दल नेकपा (एमाले)को अनुरोध पछि प्रतिनिधि सभाको बैठक २ दिनका

काठमाडौँ । पछिल्ला दिनमा झण्डै २०० केन्द्रीय सदस्य थप्दा पनि केहि पर्नै पर्ने ब्यक्तिहरु

काठमाडौं । सत्तारुढ नेपाली कांग्रेस गुटगत राजनीतिले निकै आक्रांत छ । सरकार वा पार्टीगत

काठमाडौँ । नेकपा(एकीकृत समाजवादी) पार्टीले केन्द्रीय ज्येष्ठ कम्युनिष्ट मञ्च बनाएको छ । लामो समयदेखि

काठमाडौँ । नेकपा(एकिकृत समाजवादी) पार्टीले केन्द्रीय सल्लाहकार परिषद् गठन गरेको छ । सो पार्टीको