हामी सबैकाे संसारन्यूज

११ चैत्र, काठमाडौँ । संसार नै ‘लकडाउन’ गराएको नोबेल कोरोना भाइरस अर्थात् (कोभिड १९) को पछिल्लो प्रभाव विश्वभर बढ्न थालेको छ ।
चीनको हुवेईको वुहान सिटीबाट सुरु भै इटालीलाई थला नै पारेको र विश्वका १९५ देश पुगिसकेको छ ।

सन् २०२० मार्च २४ बिहान ६.५० सम्म प्राप्त समाचार अनुसार संसारमा ३,७८, ७५१ मानिसमा कोरोना भाइरस सल्केको छ भने मृत्युको संख्या १६,५०२ पुगेको छ । निको भएकाहरुको संख्या ९७,६३५ छ भने सिरियस बिरामीको संख्या १०१,६०८ रहेको छ ।

अमेरिकामा मात्रै १०,१५५ नयाँ प्रभावित थपिएर प्रभावितको संख्या ४३,७२१ पुगेको छ भने २३ मार्च सम्म ५५२ को मृत्यु रहेकोमा २४ मार्चमा १३९ को थप मृत्यु भएको छ । इटालीमा भने हिजोको तुलनामा आज पनि थपिने मृतकको संख्या कम रहेको छ । आज इटालीमा थप ६०१ को मृत्यु भएको छ ।

वल्र्डोमीटरका अनुसार चीनमा प्रभावितको संख्या ८१०९३ मध्ये मृत्युको संख्या ३२७० पुगेको छ । इटालीमा ६३,९२७ मा ६०१ प्रभावित थपिएका छन् भन् ६,०७७ को मृत्यु संख्यामा ६५१ थपिएका छन् ।

प्रभावका हिसाबले चीन, इटाली, अमेरिका, स्पेन र जर्मनी क्रमशः छन् भने मृत्यु संख्याको हिसाबले इटाली पहिलो, चीन दोस्रो र स्पेन तेस्रो क्षति, व्यहोर्ने देशमा छन् ।

यस्तो छ कोरोना भाइरसको अपडेट तथ्याङ्क  :