हामी सबैकाे संसारन्यूज

११ चैत्र, काठमाडौँ । प्रमुख प्रतिपक्षी दल नेपाली काँग्रेसले विश्वव्यापी महामारीको रुपमा फैलिरहेको कोरोना भाइरस९कोभिड १९० विरुद्ध लड्न सरकारले स्थापना गरेको कोषमा ५० लाख उपलब्ध गराउने जनाएको छ ।

काँग्रेसले सरकारले स्थापना गरेको ‘कोरोना भाइरस संक्रमण, रोकथाम, नियन्त्रण तथा उपचार कोष’ मा ५० लाख प्रदान गर्ने घोषणा गरेको हो ।

काँग्रेस प्रवक्ता विश्वप्रकाश शर्माद्वारा जारी वक्तव्यमा कोरोना भाइरसको जोखिम सामाना गर्न नेपाल सरकारले निर्माण गरेको कोषमा प्रमुख प्रतिपक्षी दल नेपाली काँग्रेसका तर्फबाट पचास लाख रुपैयाँ एकमुष्ट जम्म गर्ने निर्णय गरेको जनाइएको छ ।

यसअघि नेपाली काँग्रेसका पार्टीका संघीय सांसदहरुले पन्द्र दिनको तलब सरकारको कोषमा जम्मा गर्ने निर्णय गरिसकेका छन् ।

अनुसार विश्वव्यापी महामारीको रुपमा फैलिरहेको कोरोना भाइरस(कोभिड १९) रोगको संक्रमण फैलन नदिन तथा सोको रोकथाम एवम् नियन्त्रणका लागि सरकारले  कोषको स्थापना गरेको हो ।

इच्छुक व्यक्ति वा संघसंस्था जोकोहीले कोषमा सहयोग गर्न सक्छन् । त्यसका लागि राष्ट्रिय बाणिज्य बैंकको ‘कोरोना भाइरस संक्रमण, रोकथाम, नियन्त्रण तथा उपचार कोष’ को नाममा रहेको खाता नं १९६०००००११०१ मा रकम जम्मा गर्न सकिन्छ ।