हामी सबैकाे संसारन्यूज

१२ चैत्र, काठमाडौँ । प्रधानमन्त्री केपी शर्मा ओलीले आफूले घरमै बसेर सरकार सञ्चालन गरिरहेको बताएका छन् ।
काठमाडौँको बालुवाटारस्थित सरकारी निवासमा रहेका प्रधानमन्त्री ओलिले सबै नागरिकलाई आह्वान गर्दै ‘म पनि घरमै बसेर सरकार सञ्चालन गरिरहेको छु । तपाईहरु पनि घरमै बस्नुहोस्’ भनेका छन् ।

We all are under lockdown
Be Safe – Stay at Home
Till the next announcement !#COVID_19Nepal #बन्दबन्दीमा_नेपाल pic.twitter.com/08K3ETocwG

— K P Sharma Oli (@kpsharmaoli) March 25, 2020

मुलुक पूर्ण लकडाउनको दोस्रो दिनमा छ । ठूलो जनसंख्या भएको छिमकी देश भारतले २१ दिन पुरै बन्द गर्ने घोषणा गरिसकेको छ । नेपालले चैत्र ११ गते देखि १८ गते साँझसम्म पछिल्लो ट्रायलमा पुरकै लक गर्ने अभ्यास गरेको छ । पछिल्लो दिनको तुलनामा दोस्रो दिनको चहलपहल कमि भएपनि आवतजावतको स्थिति प्रति प्रधानमन्त्री सन्तुष्ट नभएको देखिन्छ ।

प्रधानमन्त्री ओलीको यो टिव्टप्रति मिश्रित प्रतिक्रिया आइरहेका छन् । सिधै विरोध नगरेपनि बिरामी प्रधानमन्त्रीको चिन्ता बढी भएको, कम्युनिष्ट सरकारले सुतीसुती खान दिएको जस्ता व्यङ्गात्मक प्रतिक्रिया समेत आएका छन् ।

प्रधानमन्त्रीको सन्देश नागरिकलाई घरमै बसेर सरकारलाई सघाउन उत्साहित गर्ने तर्फ लक्षित छ ।