हामी सबैकाे संसारन्यूज

१३ चैत्र । जिल्ला प्रशासन कार्यालय (जिप्रका)पर्वतले कोरोनासँग मिल्दाजुल्दा लक्षणहरु देखा परे वा शंकास्पद लक्षण देखिएमा स्वास्थय सल्लाह लिनका लागि हेल्लो डाक्टर सेवामा सम्पर्क गर्न आग्रह गरेको छ ।

जिप्रका पर्वतले यदि कोही व्यक्तिमा शंकास्पद लक्षण देखिए हेल्लो डाक्टरका मुख्य फोकल पर्सन डा. विष्णु भण्डारी(९८४६७०७४००) लाई र चौबीस घण्टा ड्युटीमा खटिने डाक्टरहरुलाई सम्पर्क गर्न भनिएको छ ।

जिप्रकाद्वारा प्रषित सूचनामा स्थानीय तहका स्वास्थ्य संयोजकहरुको सम्पर्क नम्बरसहित नाम उल्लेख छ ।

कोरोना भाइरसको संभावित संक्रमण न्युनिकरणका लागि व्यक्ति आफै सचेत रहन जरुरी रहेको भन्दै घरभित्रै बस्न, अत्यावश्यक सामग्री खरिद गर्न बाहेक अरु अवस्थामा हिडडुल नगर्न, स्वास्थ्य अवस्थाबारे सचेत रहन र सरसफाईमा ध्यान दिन अनुरोध गरिएको छ ।

विश्वव्यापी रुपमा फैलिरहेको कोरोना भाइरसको संक्रमण रोक्न जिप्रका पर्वतले चैत्र ११ गते बिहान ६ बजेदेखि लकडाउन गरेको छ ।