हामी सबैकाे संसारन्यूज

मंगलबार १७/०३/२०२० बेलुकाबाट १०२ ज्वरो आयो । टाउको फुट्ला जस्तो दुखेर आयो । पुरै शरीर यस्तो दुख्यो, त्यस्तो दुखाइ आजसम्म थाहा थिएन । २ वटा सिटामोल लिएँ । केही राहत मिल्यो । केही समयका लागि सुतेँ । शायद प्यारासिटामोलले काम गर्न छोड्यो । त्यसपछी शरीर काँम्न थाल्यो । ४ घण्टा पछी पुन २ वटा प्यारासिटामोल लिएँ । केही समय फेरी सुतेछु तर शरीर पसिनाले पुरै भिजेछ ।

बुधवार १८/०३/२०२० करीब २ घण्टा लगाएर NHS 111 फोन गरेँ । अपरेटरले फोन उठाईन । सबै लक्षण सोधिन र भनिन् ‘कृपया पर्ख म प्रोफेस्नल टिमलाई तिम्रो फोन सम्पर्क गराई दिन्छु’ । करीब आधा घण्टापछी उनले भनिन् टिमसँग सम्पर्क हुन सकेन तिमीले पुन कोशीस गर्नुपर्ने भो । मैले ६/६ घण्टामा सिटामोल लिने काम गरी राखेकै थिएँ । नत्र शरीर काम्न थालिहाल्ने र ज्वरो १०२–३ पुगी हाल्थ्यो । पुन NHS 111 लाई फोन गर्न करीब १ घण्टा लाईनमा कुरेँ फोन आँफै सम्पर्कविच्छेद भयो । बेलुका तिर पुन NHS 111 मा फोन गरेँ । फोन आधा घण्टा भित्र नै लाग्यो । NHS का स्टाफले सबै लक्षण सोधे । घरमा नै अलगै बस्न ४–६ घण्टा मा २–२ वटाका दरले सिटामोल लिइ रहन, अधिकक्तम झोल पदार्थ खाने सल्लाह दिए । त्यहि अनुसार नै गरियो ।

श्रीमति मुन्ना भने ३ दिन अगाडि नै ढले कि थिइन् । उनको र मेरो लक्षणमा भने केही फरक थियो । मेरो त्यती धेरै सुक्खा खोकी थिएन जती धेरै मुन्नालाई थियो । मुन्नालाई भने सुरुका केही दिन ज्वरो आयो । तरपछी उनिलाई ज्वरो आएन । उनलाई पनि शरीर धेरै नै दुख्थ्यो । यस्तो अवस्था आयो कि तातो पानी उमालेर दिने मान्छे पनि भएन । बेलाबखत छोराले चिया तातो पानी दिने गर्थे । तर उसलाई पनि शरीर दुखाइ थियो । छोरीलाई पनि टाउको दुखेर सुतेकी थिइन् । मुन्नाले लत्रिँदै वर्दै खाना बनाउने काम गरिन् । म सुतेको सुतेको नै भएँ । मेरो ज्वरो घट्ने नाम नै थिएन । सिटामोल ४–६ घण्टामा लिइ राखेकै थिएँ । मुन्नाको खोकी रोकिन कुनै लक्षण देखिएको थिएन । धेरै खोकीले गर्दा उनको छाती पनि धेरै दुखेको थियो ।

शुक्रबार २०/०३/२०२० मा पुन NHS 111  दुई घण्टा लगाएर फोन गरेँ NHS सँग मैले मलाई Covid-19 को टेस्ट गराउन अनुरोध गरे । तर उनले मेरो लक्षण सोधिन् र पुरानै सल्लाह दिइन् । मैले मलाई सास फेर्न गाह्रो छ भने । त्यति भन्दा उनले खोकी पनि छ भनेर सोधिन । मैले छ भने । उनले फोन मै ज्वरो नाप्न भनिन् । मैले तुरुन्त ज्वरो नापेँ । ज्वरो १०२ देखियो । त्यसपछी उनले मलाई सोधिन के तिमीलाई Ambulance  चाहिन्छ जस्तो लाग्छ ? मैले भने मलाई चाहिन्छ किनकी म सुगर र ब्लड प्रेसरको बिरामी हुँ । आधा घण्टापछी एम्बुलेन्स आयो । मेरो सुगर लेवेल हेरँ अक्स्क्सिजन लेबल हेरे । ब्लड प्रेसर चेक गरे ज्वरो चेक गरे ज्वरो १०२ देखियो । छाती चेक गरेँ छाती चेक गर्दा Look like Corona Symptomभने । हामी तिमीलाई हस्पिटल चाहिँ लाँदैनौं । NHS कै Instruction follow गर्न भनेर उनिहरु गए ।

घरमा उपलब्ध विभिन्न जडिबुटी (हल्दी, ज्वानो, सुठो, जेठिमधू, कागती, कपूर, फिट्किरी आदी) को तातोपानी बनाउँदै पिउँदै गरिएकै थियो । अन्य गेडागुडि तथा कुरिलोको झोल आदी बनाएर खाने काम गारियो । त्यो अबधीमा मासु खाने काम गरिएन । झोल पदार्थ ३–४ लिटर चै खाईयो होला ।

आज मुन्नाको १८ दिन भएछ, अहिले उनलाई धेरै ठिक छ तर पनि उनको खोकी पूर्ण ठिक्क भएको छैन । टाउको दुखिराखेकै छ्र । शरीर शिथिल छ । आशा गरौँ समय लाग्छ होला पूर्ण रुपमा स्वस्थ हुनलाई । मेरो १४ दिन भयो ३ दिन अगाडि देखी ज्वरो आउन छोडेको छ । mild cough मात्र छ । शरीर थकित छ । शरीर दुखि राखेको छ । समय त लाग्छ होला सबै स्वस्थ हुनलाई ।

यस्तो खालको अवस्था अहिले धेरैको घरमा परेको होला । आफ्ना आफ्ना अनुभबहरु सेयर गरम, जसले अरुलाई पनि यस्तो अवस्था परिहाले ब्यवस्था गर्न सजिलो होस् । हस्पिटलले तपाईंलाई धेरै नै सिरियस भएँ (सास फेर्न गाह्रो) मात्र हेर्छ । त्यसैले यस्तो अवस्था आएमा तपाईको आफ्नो व्यवस्थापन नै महत्वपूर्ण हुन्छ । अहिलेको अवस्थामा बेलायती सरकारको निर्देशन अनुसार चलौँ । आत्मबल कमजोर नबनाउँ । कसैलाई रुखाखोकी र ज्वरो छ भने अरुको घरमा नजाउँ तथा सामाजिक कार्यमा (विवाह आदि) सरीक नभैदिउँ । हालसम्म पनि हामी Isolation मै छौ ।

यो अबधीमा मैले महाभारत, भागवत गीता हेरेँ । हिन्दी र नेपाली गीत सुनेँ । नेपाली आइड हेरेँ । हिन्दी गजल सुने । आदी, आदि यसैगरी दिन काट्ने काम गरियो ।

सोहन जि र मनोज (सालो) ले घरमा आवश्यक पर्ने औषधी तथा घारयसी समान किनेर ढोकामा राखि दिनुहुन्थ्यो । ढोका खोलेर लिने काम गरिन्थ्यो । आफन्त, साथी भाइहरुले बिहान बेलुकै फोन गरेर स्वास्थ अवस्था सोध्नु भयो । हिक्मतका साथ काम लिन सल्लाह दिनुभयो । उहाँहरु सबैलाई धेरै धेरै धन्यवाद दिन चाहन्छौँ ।
लण्डन
३१/०३/२०२०

(सकरात्मक समाचार सम्प्रेषणका लागि)