Sansar News
बारबार किन आउँछ ? सपनीमा उनको तस्वीर ।
गगनको फिक्का लाग्छ, उनको सामु जूनको तस्वीर ।
धेरैचोटि कोसिस गरेँ, भगवान् को मूर्ति बनाई ।
पग्लिएर बिलाई गयो, बनाउँदा नुनको तस्वीर ।
पूरा जीवन कोसिस गरेँ, त्यो आवाज सुनी मनमा ।
तर कैले सजिएन, मुटुभित्र धुनको तस्वीर ।
जीवनमा शिक्षा दिने, गुरुवर जहाँ पुगे नि ।
जहाँ र्हेयो त्यहीँ देख्छु, भगवान् झैँ गुनको तस्वीर ।
कलम छोडी बारुदको, खेल खेल्दा कस्तो हुन्छ ?
सिरियाको भूमिमाथि, धेरै बने खुनको तस्वीर ।
लुम्बिनीलाई सधैँ हेर्दै, संसारले सिक्ने गर्छन् ।
शान्ति त्यहीँ बन्छ जहाँ, गौतम बुद्ध सुनको तस्वीर ।
वि.सं.२०७६ चैत २४ सोमवार ११:५२ मा प्रकाशित
