हामी सबैकाे संसारन्यूज

नपुंसकहरुको बस्ती हो यो शहर
धनबहादुरको मस्ती हो यो सहर ।

जनता ठगेर नाजायज काम गर्ने
भ्रष्टाचारिहरुको गस्ती हो यो शहर ।

पानी खान माग्दा मेलम्ची आउँछ भन्ने
लुच्चा र फटाहाको हस्ती हो यो शहर ।

रूपवाला र नाम चलेकालाई मात्रै
ईशारा गर्ने केटी जस्ती हो यो शहर ।

चारैतिर बाट जे ल्याएनि स्वाहा पार्ने
सधैं नअघाउने अगस्ती हो यो शहर ।

शंखरापूर नगरपालिका–४
फेदी, काठमाण्डौ