हामी सबैकाे संसारन्यूज

१३ बैशाख, काठमाण्डौं । इस्लाम धर्मालम्बीहरुको महान पर्व रमजान आजदेखि सुरु भएको छ । दिनभर पानी पनि नपिएर एकमहिनासम्म निराहार व्रत वसिने र कुरान पढ्ने गरिन्छ ।

विगतका वर्षहरुमा रमजान पर्वभरी पुरुषहरुले देशभरीका विभिन्न मस्जिदमा पुगेर तथा महिलाहरुले घरमै बसेर प्रार्थना गरिएको भएपनि पनि यसपटक भने कोरोना महामारी नियन्त्रण र रोकथामका लागि गरिएको लकडाउनका कारण घरमै बसेर नमाज पढ्न राष्ट्रिय मुस्लिम आयोगले सबैलाई अनुरोध गरेको छ ।

हिजरी सम्वतको नवौं महिना सुरु भएर एकमहिना सम्म चल्ने रमजान पर्वपछि इद मनाइन्छ । अहिले हिजरी सम्वत् १४४१ हो । इश्लाम धर्मगुरुहरुका अनुसार यो व्रत विहान ३ः४३ देखि बेलुका साढे ६ बजेसम्म बस्ने गरिन्छ । त्यस पश्चात पहिले पानी पिएर मात्र अन्य खाना खाइन्छ ।

आयोगका अध्यक्ष समिम मियाँ अन्सारीले कोरोना भाइरसको संक्रमणबाट बच्नका लागि सामाजिक दूरी अनिवार्य भएकाले सबैले घरमै बसेर नमाज पढ्न अनुरोध गरेका छन् ।